ការសង្ខេប គឺជានិយាយឬសរសេរបំព្រួញខ្លឹមសារឱ្យបានខ្លីដោយប្រើសម្តីផ្ទាល់ខ្លួន ហើយលើកយកតែចំណុចសំខាន់ៗ គំនិតសំខាន់ៗ ឬ ព្រឹត្តិការណ៍សំខាន់ៗមកបង្ហាញ។ គេអាចសង្ខេបគំនិតសំខាន់ៗ ចេញពីរូបភាព រឿង កំណាព្យ សម្តីអ្នកដទៃ សុន្ទរកថា។ល។ នៅពេលសង្ខេបត្រូវយកចិត្តទុកដាក់លើ៖
ក. មុនពេលនិយាយ
- កំណត់ព្រឹតិការណ៍សំខាន់ៗនៃរឿង
- កំណត់គោលគំនិតសកម្មភាពឱ្យបានច្បាស់លាស់
- រកគំនិតអប់រំ ឬ តម្លៃអប់រំនៃរឿងឱ្យបានជាក់លាក់
ខ. ពេលនិយាយ
- និយាយសង្ខេបគំនិតសំខាន់ៗ ព្រឹត្តិការណ៍ឱ្យបានគ្រប់គ្រាន់តាមដំណើររឿង។
- ប្រើពាក្យពេចន៍សម្តីឱ្យបានច្បាស់លាស់សមរម្យនៅក្នុងនិយាយ ចៀសវាងប្រើពាក្យលេងសើចផ្តេសផ្តាស។
គ. ក្រោយពេលនិយាយ
- ស្តាប់មតិ ឬ យោបល់អ្នកដទៃ។
- ចូលរួមកែលម្អ ផ្តល់យោបល់ បង្ហាញមតិ របស់ខ្លួនដោយប្រកាន់ឥរិយាបថ និងពាក្យសម្តីសមរម្យ។
