មេរៀនទី៩ (សង្ខេបមេរៀន) ការស្ដាប់៖ តម្លៃនៃការសេពគប់

❶. សិក្សាចំណងជើង

- ប្រភេទ៖ កាព្យឧបទេស តែងជាបទពាក្យ ៧។
- ប្រភព៖ ដកស្រង់ចេញពីស្នាដៃរបស់សម្តេចព្រះសង្ឃរាជ ជួន ណាត។
- ខ្លឹមសារ៖ និយាយអប់រំទូន្មានឱ្យយុវជនចេះជ្រើសរើសមិត្តក្នុងការសេពគប់។

❷. សិក្សាពាក្យគន្លឹះ

- អបលក្ខណ៍ (គុ) ដែលប្រាសចាកយសដែលខូចឈ្មោះឥតគេរាប់។
- ពាល          (ន)  ជនមិនស្គាល់ខុសត្រូវល្អ អាក្រក់។
- គប់            (កិ) រាប់រកគ្នា រាប់អានគ្នា។
- បណ្ឌិត       (ន) អ្នកចេះដឹងយល់នូវសេចក្តីពិត។
- និមល        (គុ) ដែលជ្រះស្រលះ ឥតមានមន្ទិល។
- ឧបទ្រព      (គុ) ដែលចង្រៃ ឧត្បាត ។

❸. អត្ថបទសង្ខេប

     យើងចេះសេពគប់មនុស្សបានត្រឹមត្រូវ សេពគប់មនុស្សល្អសេពគប់បណ្ឌិត នាំមកនូវសេចក្តីចម្រើន ចៀសវាងសេពគប់មនុស្សអាក្រក់ មនុស្សពាលនាំឱ្យកើតក្តីវិនាស។