- ស្លែង (គុ)
ដែលឱ្យទោស ដែលនាំឱ្យទាស់។
- ក្រោធ (ន) កំហឹង ខឹងខ្លាំង។
- ដោះសា (កិ)
រ៉ាយរ៉ាប់ រៀបរាប់ បូបាច់ សាទុក្ខ សាទោស។
- ឆ្លា (កិ.វិ)
ដែលចេញអាការៈ។
- សង្ឃក (កិ)
ស្រែកគំរាម ស្រែកសន្ធាប់ឱ្យស្លុត។
- ពលរេហ៍ (កិ) សេនា
ទាហាន កងទ័ព។
- បៀតបៀន (កិ.វិ) ជៀតបៀត
យាយី ធ្វើទុក្ខអ្នកដទៃឱ្យបានក្តីក្តៅក្រហាយ។
- សិរសា (កិ) ក្បាល។
- ពារ (កិ)
ប៉ះលើ ឬប៉ះត្រូវទាំងស្រុងប្រទះលើគ្រោះកាច...។
- បារម្ភ (ន)
ដំណើរនឹកថប់ ឬនឹកព្រួយជាមុន។
- ឧត្តម (គុ)
ខ្ពង់ខ្ពស់ ប្រសើរថ្លៃថ្លា។
- សង្វាត (កិ)
ខំប្រឹងប្រែង ស្រវាស្រទេញខ្លីឃ្មាត។
- ទេសនា (ន)
ការសម្តែងធម៌។
- វៀរ (កិ)
លើកលែង តម ឈប់ខាន។
- ក្រឹត្យក្រម (ន) ដំណើរ
បែប លំនាំ ឬក្បួនច្បាប់។
- ធម្មា (ន) ធម៌ សភាវទ្រទ្រង់សត្វលោក
គឺបុណ្យ បាប សុចរិត ទុច្ចរិត...។
បទព្រហ្មគីតិ
[...] ១. ពាក្យក្រកុំអាលប្រាប់ ពាក្យឥតសព្ទកុំអាលថ្លែង
ពាក្យពិតកុំឱ្យចែង ពាក្យពិតស្លែងពុំគួរលាក់។
២. គេប្រាប់កុំអាលក្រោធ គេបញ្ចោតកុំអាលភ្ញាក់
សឹកដេកកុំអាលបាក់ គ្នាជំពាក់ប្រើដោះសា។
៣. គេរត់កុំអាលដេញ គេលើកចេញកុំអាលថា
សឹកដល់កុំអាលឆ្លា ឮវាចាកុំអាលយក។
៤. គេប្រើកុំអាលទៅ គេឱ្យហៅកុំអាលមក
គេឱ្យកុំអាលយក គេសង្ឃកកុំអាលថយ។
៥. ខ្លួនតូចកុំខំពារ ខ្លួនអ្នកជាកុំគិតធ្លោយ
ឱ្យគិតក្រែងក្រក្រោយ ខ្លួនខ្សត់ខ្សោយឱ្យបារម្ភ។
៦. ទំនៀមទំនឹមព្រេង ច្បាប់ថ្លាថ្លែងដោយក្រឹត្យក្រម
ពាក្យនេះជាឧត្តម ចូរបាខំៗត្រងត្រាប់។
៧. សង្វាតរកស៊ីចុក ជួលលក់ទិញតាមច្បាប់
ខ្សត់គ្មានឃ្លានស៊ូស្លាប់ កុំខុសច្បាប់ព្រះធម្មា។
៨. មានទ្រព្យត្បិតសំណាង ជាតិមុនសាងទានសីលា
បើកើតជាតិនេះណា មានទ្រព្យធនត្បិតទានគេ។
៩. បើខ្លួនមានស័ក្តិបុណ្យ បានទ្រព្យធនខ្ញុំពលរេហ៍
ធ្វើចិត្តឱ្យត្រង់ត្រែ ជាតិទៅមុខនឹងបានទៀត។
១០. ស៊ីបានៗនឹងខំ លោកវាយដំគេបៀនបៀត
បំបាត់ទ្រព្យគេឆ្លៀត ខុសច្បាប់ផងមិនទេឡើយ។
១១. ល្អតែនៅលោកិយ លុះដល់ក្ស័យជីវិតហើយ
ទល់ទុក្ខពុំដែលស្បើយ រូបរែងរងកម្មវេទនា។
១២. ព្រះទ្រង់ទេសនាមក គួរតែយកទុកសិរលា
មនុស្សសត្វផងក្តីណា ពុំដែលវៀរពីក្តីស្លាប់
១៣. គួរតែសាងសីលទាន នោះនឹងបានបុណ្យលាងបាប
រក្សាសីលដរាប នោះប្រសើរពេកកូនអើយ។
[...]