អ្នកនិពន្ធតែងបង្កើតបញ្ហាចោទនិងដោះស្រាយទៅតាមសិល្ប៍វិធីរៀងៗខ្លួន។ តួអង្គសំខាន់ៗ នៅក្នុងរឿងត្រូវប្រឈមមុខនឹងបញ្ហាចោទ និង ដំណោះស្រាយទាំងនោះ ដែលជំរុញឱ្យមានទំនាស់កើតឡើង។ ទំនាស់មាន ទំនាស់ក្នុងខ្លួន និងទំនាស់ក្រៅខ្លួន ។
*ទំនាស់មានពីតប្រភេទ គឺទំនាស់ក្នុងខ្លួន និងទំនាស់ក្រៅខ្លួន។
ក. ទំនាស់ក្នុងខ្លួន
ទំនាស់នេះកើតនៅពេលតួអង្គប្រឈមនឹងបញ្ហាចោទយ៉ាងខ្លាំងក្លា តឹងតែង ពិបាកដោះស្រាយ គឺធ្វើឱ្យមានការប៉ះពាល់យ៉ាងខ្លាំងដល់អារម្មណ៍ ឬមនោសញ្ចេតនារបស់តួអង្គ ដូចជា ភ័យ ព្រួយ ខឹង អាណិត ស្រឡាញ់ ស្អប់...ការណ៍នេះកើតឡើងនៅក្នុងអារម្មណ៍តួអង្គតែម្នាក់ឯង។ ឧទាហរណ៍៖ តួអង្គស្តេចស្រុកចិន សប្បាយរីករាយក្នុងចិត្តដោយនឹកថាអស់ពីធនញ្ជ័យអ្នកប្រាជ្ញ នគរខ្មែរពិតជាក្លាយជាចំណុះរបស់នគរចិន។
ខ. ទំនាស់ក្រៅខ្លួន
ការប្រឈមមុខដាក់គ្នារវាងតួអង្គនិងតួអង្គ រវាងតួអង្គនិងហេតុការណ៍ផ្សេងៗ នៅក្នុងដំណើររឿងដែលជំរុញឱ្យមានការប្រើកម្លាំងកាយ ប្រាជ្ញាស្មារតី ចិត្តគំនិត ថ្វីមាត់...។ ឧទាហរណ៍៖
- រឿង សង្រ្គាមគីង្គក់ និងតាព្រហ្ម គឺទំនាស់រវាងតួអង្គតាព្រហ្ម និង តួអង្គកងទ័ពរបស់គីង្គក់។
- រឿង ចចក ទំនាស់នេះកើតឡើងរវាងតួអង្គក្រុមត្រីមាន កំពឹស ក្តាម ខ្យង និងតួអង្គក្រុមចចកមាន ចចកពស់ ដំរី រមាស ខ្លា។