- ស្តុកស្តម្ភ (គុ) ច្រើនឥតគណនា ហូរហៀរច្រើនលើសលប់...។
- គតិបណ្ឌិត (ន) គំនិតប្រកបដោយប្រាជ្ញាញាណគំនិតខ្ពង់ខ្ពស់...។
- សុចរិត (ន) សេចក្តីស្មោះត្រង់ សេចក្តីទៀងត្រង់ ភាពត្រឹមត្រូវ...។
- ទុច្ចរិត (ន) ការប្រព្រឹត្តអាក្រក់ទាំងកាយវាចាចិត្ត អំពើអាក្រក់។
- ចៅក្រម (ន) អ្នកកាត់ក្តី។
កាលពីដើម
មានសេដ្ឋីម្នាក់ជាកំពូលអ្នកមានស្តុកស្តម្ភនៅក្នុងស្រុកមួយ។ ថ្ងៃមួយ សេដ្ឋីនោះបានចេញដំណើរទៅក្រៅ
រួចក៏ជ្រុះបាត់ថង់មួយ។ ក្នុងថង់នោះមានកាសមាសមួយពាន់កាស
និងខ្សែកដ៏មានតម្លៃមួយខ្សែធ្វើពីមាសសុទ្ធលំអដោយត្បូងមរតកធំៗប្រាំមួយគ្រាប់។
ជាភ័ព្វព្រេងសំណាង មានបុរសសុចរិតកម្សត់បានរើសបានថង់នោះ។
ដោយក្តីអាណិតអាសូរ បុរសកម្សត់បានយកថង់ប្រាក់ប្រគល់ទៅសេដ្ឋីវិញ។
ដោយសេដ្ឋីលោភលន់មិនសុខចិត្តបានចោទប្រកាន់បុរសកម្សត់នោះថាបានយកខ្សែកមួយទៀត។ [...]
ក្រោយពីបានស្តាប់ការបកស្រាយរបស់បុរស និងសេដ្ឋីរួចហើយ ចៅក្រមងាកទៅអង្គប្រជុំទាំងមូលរួចនិយាយ៖
សេដ្ឋីជាអ្នកមានទ្រព្យស្តុកស្តម្ភ ពោរពេញដោយកិត្តិយសមិនលោភលន់ ទាមទារ ចង់បានអ្វី ដែលមិនមែនជារបស់ខ្លួនទេ។ ឯក្មួយខាងនេះជាមនុស្សសុចរិត ស្មោះត្រង់គួរឱ្យគោរព។ សេដ្ឋីទាមទារថង់មាសដែលមានខ្សែកពីរខ្សែ។ ក្មួយប្រុសខាងនេះរើសបានថង់មាសដែលមានខ្សែកតែមួយខ្សែ។ ដូចនេះថង់នេះមិនមែនជារបស់សេដ្ឋីឡើយ។ សូមលោកទៅប្រកាសដំណឹងម្តងទៀតចុះ ក្រែងអាចរកថង់លោកឃើញ។ ខ្ញុំនឹងតម្កល់ថង់នេះនៅទីនេះ ទម្រាំរកម្ចាស់ពិតប្រាកដឃើញ ឬទម្រាំដល់ហួសកំណត់តម្កល់។ ចំណែកក្មួយដែលដែលរើសបានថង់មាសនិងខ្សែកដ៏មានតម្លៃនេះ ខ្ញុំសូមជូនរង្វាន់ពីររយកាសមាស ជារង្វាន់ចំពោះតឹកចិត្តស្មោះត្រង់និងសុចរិតកួរឱ្យសរសើររបស់ក្មួយ។
បុរសកំសត់ថ្លែងអំណរគុណចំពោះចៅក្រម រួចត្រឡប់ទៅផ្ទះវិញ។ មួយឆ្នាំកន្លងទៅ កំណត់ពេលតម្កល់ហួសទៅហើយ។ គ្មាននរណាមកបង្ហាញខ្លួនថា ជាម្ចាស់ថង់មាសនេះសោះ។ គេបានចំណាយធនធានទាំងនេះ ឧបត្ថម្ភជនអភ័ព្វទាំងឡាយក្នុងទីក្រុង។ សេដ្ឋីកំហូចស្តាយទ្រព្យរបស់ខ្លួន ដេកមិនលក់បក់មិនល្ហើយ...តែដឹងធ្វើម៉េច! ឥឡូវចំណេះវាជិះកឯងទៅហើយ។