ការរស់នៅប្រចាំថ្ងៃ មនុស្សតែងមានបណ្តូរទំនាក់ទំនងគ្នាទៅវិញទៅមកតាមមធ្យោបាយផ្សេងៗ។ មធ្យោបាយទំនាក់ទំនងទាំងនោះមានដូចជា ការនិយាយទាក់ទងដោយផ្ទាល់មាត់ ឬ ផ្តាំផ្ញើតាមរយៈមនុស្សដទៃ ឬតាមរយៈទូរសព្ទ ឬ តាមសំបុត្រស្នាមជាលាយលក្ខណ៍អក្សរជាដើម។ តាមរយៈមធ្យោបាយទាក់ទងនោះហើយ ដែលធ្វើឱ្យការផ្តល់ និង ទទួលព័ត៌មានប្រកបដោយប្រសិទ្ធភាព។
នៅពេលសរសេរអ្នកគប្បីអនុវត្តតាមការណែនាំខាងក្រោម៖
- ចុះកាលបរិច្ឆេទនិងអាសយដ្ឋានរបស់អ្នក
- ផ្តើមសំបុត្រដោយសម្តែងការគួសម ឬក្តីនឹករលឹក(ចំពោះមិត្តភក្តិឬអ្នកសិទ្ធស្នាល)
- ប្រាប់ពីប្រធានបទ
- សួរព័ត៌មានផ្សេងៗទាក់ទងនឹងប្រធានបទឬព័ត៌មានផ្សេងៗទៀត ដែលអ្នកចង់ដឹង។
- អាចលើកឡើងពីចំណុចខ្លះៗ ដែលទាក់ទងនឹងប្រធានបទចំពោះអ្នក ដែលអ្នកបម្រុងនឹងសួរ។
- ប្រើពាក្យជូនពរឬបណ្តាំផ្ញើ។
- ចុះហត្ថលេខានិងឈ្មោះរបស់អ្នកសរសេរសំបុត្រ។
