មេរៀនទី៦ (សង្ខេបមេរៀន) អំណានទី១៖ ឧត្តមគតិខ្ញុំ

❶. សិក្សាពាក្យគន្លឹះ

- ហោប៉ៅ        (ន) ថង់ដេរភ្ជាប់នឹងអាវឬខោជាដើម។
- ស្រដៀង       (គុ) ប្រហាក់ប្រហែល។
- ឧបាយកល   (ន) ល្បិច ល្បិចល្បង កិច្ចកល។
- សូកប៉ាន់       (ន) ឱ្យសំណូក ឬទ្រព្យរបស់អ្វីទៅគេដោយសម្ងាត់ឱ្យដើម្បីប្រយោជន៍អ្វីមួយ។
- ទុច្ចរិត           (ន) ដំណើរប្រព្រឹត្តអាក្រក់ដោយកាយវាចាចិត្ត។
- គយគន់         (កិ) ចាំមើល ឃ្លាំមើល។
- ស្ថានការណ៍  (ន) ទីតាំងនៅពិតប្រាកដ អាកប្បកិរិយាហេតុភេទ ដំណើរទំនងបែបបទជើ​ងការដំណើរការណ៍ដែលព្រឹត្តទៅ។

❷. អត្ថបទសង្ខេប 

     ថៅកែហុងឈីយកលុយដាក់ក្នុងស្រោមសំបុត្រមកឱ្យលោកបាលដ្ឋ ព្រោះគាត់ត្រូវការឱ្យទីឃាវុធជួយសម្រួលរបររកស៊ី ដោយទទួលយកសាច់កំណាត់អន់ខុសពីប៉ាន់ ដែលរាជការកំណត់នៅពេលដេញថ្លៃកាត់ឯកសណ្ឋានប៉ូលីសប្រចាំខេត្ត។

     លោកបាលដ្ឋទីឃារុធសម្រេចចិត្តនេះត្រឹមត្រូវណាស់ ព្រោះការដែលប្រគល់លុយ មិនទទួលយកសំណូមសូកប៉ាន់ពីឈ្មួញទុច្ចរិត ជាការបង្ហាញពីភាពស្អំស្អំ មិនពុករលួយរបស់មន្រ្តីរាជការដែលគោរពតាមតួនាទីក្នុងរក្សាបាននូវប្រយោជន៍ ចំពោះមន្រ្តីរាជការដែលនៅក្រោមឱវាទ និង ប្រភេទជាតិជាងប្រយោជន៍សួនតួ។

     ទង្វើរបស់លោកចៅហ្វាយខេត្តសបញ្ជាក់ថាគាត់មិនសក្តិសមជាមន្រ្តីគំរូ គ្មានតម្លាភាព ប្រព្រឹត្តអំពើពុរលុយ កេងប្រវ័ញ្ចផលប្រយោជន៍ជាតិ ប្រើអំណាចរាជការឃុបឃិតនឹងឈ្មួញទុច្ចរិត ដើម្បីបម្រើប្រយោជន៍ផ្ទាល់ខ្លួន រួមទាំងបំផ្លាញកេរ្តិ៍ឈ្មោះមន្រ្តីរាជការទៀតផង។

     អត្ថបទអំណាន ឧត្តមគតិខ្ញុំ ដកស្រង់ចេញពី រឿងមាលាដួងចិត្ត របស់លោកនូ ហាច និពន្ធនៅ ឆ្នាំ១៩៣៩-១៩៤១ និងបោះពុម្ភជាផ្លូវការនៅឆ្នាំ១៩៧២។

+ តម្លៃអប់រំដែលស្តែងឡើង តាមរយៈអត្ថបទនេះមាន៖
- ត្រូវមានឧត្តមគតិចំពោះប្រទេសជាតិ
- តម្លាភាពជាគន្លឹះដ៏សំខាន់សម្រាប់អភិបាលកិច្ចល្អ
- ត្រូវប្រកាន់ខ្ជាប់នូវច្បាប់សង្គម សីលធម៌ និង ប្រព្រឹត្តអំពើដែលនាំឱ្យប៉ះពាល់ដល់អ្នកដទៃ
- ត្រូវធ្វើខ្លួនឱ្យមានប្រយោជន៍សម្រាប់សង្គម ដោយផ្តើមចេញពីខ្លួនឯង...។