១. ការត្រៀមរៀបចំសម្តែង
* ជ្រើសរើសតួសម្រាប់សម្តែង៖
- តេជោមាស
- ជំទាវស្រែន
- តេជោយ៉ត
- លោកស្មៀន
- ឧកញ៉ាព្រហ្មស្រី
* តួនីមួយៗហាត់អានតាមសម្តីតួអង្គនៅក្នុងរឿង
* តួនីមួយៗកត់ត្រាសម្តីតួអង្គដែលខ្លួនដើរតួ។២. ការសម្តែង
* សម្តែងសាកល្បងដោយយកឯកសារកត់ត្រាសម្តី តួនាទីរបស់ខ្លួននីមួយៗមកអាន។
* សម្តែងតួដោយប្រើសម្តីផ្ទាល់ខ្លួនទៅតាមដំណើររឿងដោយមិនប្រើឯកសារកត់ត្រាឡើយ។
* នៅពេលសម្តែង អ្នកគប្បី៖
- ចងចាំបទសន្ទនា ឬសម្តីតួអង្គដែលអ្នកដើរតួ
- ដាក់អារម្មណ៍ទៅតាមស្ថានភាពតួអង្គនៅក្នុងរឿង(ឧទាហរណ៍៖ កម្សត់ យំសោក...)
- ប្រើពាក្យពេចន៍ កាយវិការ ចរិតលក្ខណៈឱ្យសមទៅតាមតួអង្គនីមួយៗក្នុងដំណើររឿង
- ប្រមាណពេលវេលាសម្តែងរបស់អ្នកឱ្យបានសមស្រប
- មិនគួរបញ្ចេញបញ្ចូលពាក្យពេចន៍ ឱ្យឃ្លាតឆ្ងាយពីសាច់រឿងទេ ឬប្រើពាក្យពេចន៍មិនសមរម្យអសីលធម៌ឡើយ។
សំណេរ៖ សង្ខេបអត្ថបទល្ខោនជាពាក្យរាយ
នៅពេលសង្ខេបអត្ថបទអ្នកគប្បី៖
- មិនត្រូវសរសេរពង្រីកគំនិតសំខាន់ៗនោះទេ
- រៀបចំគំនិតសំខាន់ៗឱ្យទៅជាអត្ថបទសង្ខេបត្រឹមត្រូវមួយ
- មិនត្រូវលើកយកសេចក្តីលម្អិតមកធ្វើសេចក្តីសង្ខេបទេ
- សរសេរសង្ខេបឱ្យចំខ្លឹមសារសំខាន់ៗនៃអត្ថបទ
- ប្រើប្រាស់ពាក្យពេចន៍ ឃ្លាល្បះឱ្យបានសមរម្យនិងត្រឹមត្រូវ។Last modified: Wednesday, 30 October 2024, 10:01 AM
