- អត្រាមរណៈប្រមាណ (ន) ចំនួនអ្នកស្លាប់។
- អភិវឌ្ឍ (ន) ចម្រើនលូតលាស់ចម្រើនក្រៃលែង។
- វិធានការ (ន) វិធី របៀប។
- សាធារណជន(ន) ជនទូទៅ។
- ប្តេជ្ញា (ន) ការតាំងចិត្តឈប់ប្រព្រឹត្ត ឈប់ធ្វើអ្វីមួយ។
- ទិវា (ន) ថ្ងៃប្រារព្ធវិធីមួយ។ ទិវាប្រឆាំងនឹងការជក់បារីថ្ងៃទី៣១ ឧសភាជារៀងរាល់ឆ្នាំ។
អ្នកជក់បារីហាក់ដូចជាមិនសូវគិតគូរពីសុខភាពឡើយ។ ក្នុងចំណោមអ្នកជក់បារីទាំងឡាយអ្នកស្លាប់ដោយសារការជក់បារីមានចំនួនពាក់កណ្តាល។ ទាក់ទងនឹងការជក់បារី អង្គការសុខភាពពិភព-លោកបានបង្ហាញតួលេខថ្មីៗ ថាថ្នាំជក់បានសម្លាប់មនុស្ស១០០លាននាក់ នៅក្នុងសតវត្សទី២០ នេះ។ នាពេលបច្ចុប្បន្ននេះ ថ្នាំជក់សម្លាប់មនុស្ស៥,៤ លាននាក់ក្នុងមួយឆ្នាំដោយជំងឺមហារីកបំពង់ក សួត ជំងឺបេះដូង និងជំងឺផ្សេងៗទៀត។ នៅឆ្នាំ២០៣០ថ្នាំជក់នឹងសម្លាប់មនុស្ស៨លាននាក់ក្នុងមួយឆ្នាំ ហើយ៨០ភាគរយនៃអ្នកស្លាប់ គឺស្ថឹកនៅក្នុងប្រទេសកំពុងអភិវឌ្ឍដូចជា ប្រទេសកម្ពុជាជាដើម។ ចំនួនពលរដ្ឋកម្ពុជាយើងដែលស្លាប់ដោយសារការជក់បារីក្នុងចន្លោះឆ្នាំ១៩៩៧ ដល់២០០៧ មានយ៉ាងហោចណាស់ ៧៣ ៥០០ នាក់។ បើធៀបទៅនឹងពន្ធនៃការនាំចូលបារីមានតែ៦៥៩ លានដុល្លារបើគិតក្នុងមួយឆ្នាំ គឺខាតបង់៣៨លានដុល្លារ។ គ្រួសារកម្ពុជាប្រមាណ៧០ ភាគរយបានប្រើប្រាស់ប្រាក់ចំណូលរបស់ខ្លួនជាង ១០ ភាគរយទៅការទិញបារី។ ការជក់បារីបង្កឱ្យមានជំងឺដូចជា៖មហារីកសួត បំពង់ក បេះដូង និងជំងឺផ្សេងៗមួយចំនួនទៀត ទាក់ទងនឹងស្រ្តីមានផ្ទៃពោះជក់បារី គឺបណ្តាលឱ្យមានគ្រោះថ្នាក់ខ្លាំងដល់កូនក្នុងផ្ទៃ។វិធានការបញ្ឈប់ការជក់បារីមាន៣ ដែលគួរយកមកអនុវត្ត៖
- ត្រូវតាំងចិត្តប្តេជ្ញាថាឈប់ជក់បារី ។ វិធានការនេះដូចជាដាច់ខាតពេកហើយ ប្រហែលជាមិនអាចធ្វើទៅរួច ព្រោះបារីជាគ្រឿងញៀនតែជក់ហើយមិនងាយផ្តាច់បានទេ។
- ពន្យារពេលជក់បារី។ អ្នកធ្លាប់ជក់បារីពេលក្រោកពីដំណេក ត្រូវពន្យាលរដល់ពេលស្រស់ស្រូបរួច។ អ្នកធ្លាប់ជក់រាល់ថ្ងៃត្រូវពន្យារពេលពីរថ្ងៃម្តង ។ការធ្វើឱ្យមានទម្លាប់ដូច្នោះអាចមានរយៈពេលវែង ហើយទីបំផុតជួនកាលអាចឈប់បាន។
- ការបន្ថយចំនួនបារី អ្នកធ្លាប់ជក់ក្នុងមួយថ្ងៃមួយកញ្ចក់ បន្ថយមកត្រឹមមួយ១៥ ដើមក្នុងមួយថ្ងៃ ។ រយៈពេលក្រោយៗមក អ្នកអាចបន្ថយនៅត្រឹមមួយដើមក្នុងមួយថ្ងៃ។ អ្នកមានភាពស៊ាំបែបនេះហើយអ្នកអាចតាំងចិត្តថា ឈប់ជក់បារីបាន។