មេរៀនទី៧ (សង្ខេបមេរៀន) ការស្ដាប់៖ រឿង ថាដូនិងភ្លើងឆេះស្រូវ

អត្ថបទ

     ថាដូ និងជីតា របស់គេរស់នៅក្នុងផ្ទះដ៏តូចមួយសង់ប្របនឹងចង្កេះភ្នំប្រទេសជប៉ុន។ ក្នុងផ្ទះនោះ មានសមាជិកពីរនាក់រស់នៅគឺ ថាដូ និងជីតា។ ជីតាប្រើថាដូយកភ្លើងមកដុតស្រូវ ។ ថាដូមិនពេញចិត្តនឹងកិច្ចការទេ ព្រោះលោកតាបានក្រើនរំឭកជារឿយៗ ថាស្រូវជាអាហារដ៏ចាំបាច់បំផុតសម្រាប់យើងទាំងអស់គ្នា បើសិនជាមានរឿងអ្វីមួយកើតឡើងចំពោះវា យើងប្រាកដដាច់ពោះស្លាប់ជាមិនខាន ពីព្រោះយើងគ្មានអ្វីបរិភោគទេ។ ការសម្រេចចិត្តរបស់លោកតាជាការត្រឹមត្រូវ ព្រោះបើមិនដុតស្រូវទេ អ្នកភូមិនឹងមិនផ្អើលឆោរឡោរត់ឡើងលើភ្នំ។ ពេលនោះអ្នកភូមិទាំងអស់នឹងត្រូវស្លាប់ដោយសាររលកសមុទ្រមិនខានឡើយ។
   ទង្វើរបស់ជីតាថាដូបង្ហាញថា គាត់មានគំនិតស្របតាមស្មារតីមនុស្សធម៌ ក្នុងការជួយសង្រ្គោះអាយុជីវិតមនុស្សអ្នកភូមិរាប់សិបនាក់ ឱ្យរួចពីសេចក្តីស្លាប់ដោយសុខចិត្តលះបង់ផលប្រយោជន៍ផ្ទាល់ខ្លួន។