ទំហៀបន័យ ឬ ឧបមាន ជាវិធីប្រៀបធៀបដោយប្រើចំណងធៀប។ ចំណងធៀបមានដូចជា៖ ដូចជា ហាក់ដូចជា ប្រៀបបាន ហាក់ ប្រៀបដូច ប្រហែល...យ៉ាងនោះ។ល។ ចូរសង្កេតមើលឧទាហរណ៍ខាងក្រោម។
មាត់ស្រែកសប្បាយ តែចិត្តនិងកាយ រីងស្រពោនស្វិត
សុភមង្គល ដូចយប់ងងឹត ចងឆ្វាក់រួតរឹត
ដូចពស់លេបប្រាណ ។
អន់ជាងបក្សី សត្វមានសេរី ត្រាច់ហើរសព្វឋាន
ខ្លួនឯងជាមនុស្ស អន់ជាងតិរច្ឆាន ដូចត្រីជាប់ប្រាណ
លង់ក្នុងអណ្តូង ។
ផ្គរភរអ្នកស្រែ មេឃមីរខ្មៅអែ ហាក់រលំប្រេះ
សង្ឃឹមថាភ្លៀង មិនទៀងជាផេះ ក្លាយជាភ្លើងឆេះ
ខ្លោចអស់ព្រឹក្សព្រៃ ។
ចំណាំ៖ ក្នុងការពណ៌នាបង្ហាញពីសភាវៈ សកម្មភាព ឬអំពើឱ្យកាន់តែច្បាស់លាស់ និង មានលក្ខណៈរូបី គេប្រើទំហៀបន័យ ឬ ឧបមាន។
