ទំនាក់ទំនង ជាកត្តាចាំបាច់របស់យើងក្នុងការរស់នៅប្រចាំថ្ងៃ។ ទំនាក់ទងក៏អាចចាត់ទុកថាជា កត្តាមួយជួយពង្រឹងនិងធ្វើឱ្យមិត្តភាពស្ថិតស្ថេរយូរអង្វែងបានដែរ។ នាពេលបច្ចុប្បន្ន ទូរសព្ទជាឧបករណ៍សម្រាប់ទាក់ទងគ្នាយ៉ាងឆាប់រហ័ស ទំនើបទាន់សម័យ និងពេញនិយម។ នៅពេលសន្ទនាអ្នកត្រូវយកចិត្តទុកដាក់លើ៖
ក. ពេលវេលានៃការសន្ទនា
ខ. ពាក្យសម្តីសន្ទនា (ពេលចាប់ផើ្តម ពេលកំពុងសន្ទនា និងពេលបញ្ចប់ការសន្ទនា)ប្រើពាក្យសម្តីសមរម្យ គួរសម ត្រឹមត្រូវ និងថ្លៃថ្នូរជាមួយគូសន្ទនា ហើយសមស្របទៅតាមវ័យ ឋានៈ និងស្ថានភាព។
- តាមវ័យ ៖ ក្មេង ឬប្អូន មិត្តភក្តិ បង ចាស់ទុំ...។
- តាមឋានៈ ៖ ឪពុកម្តាយ បងប្អូន លោកគ្រូអ្នកគ្រូ ថ្នាក់ដឹកនាំតាមស្ថាប័ន...។
- តាមស្ថានភាព ៖ ពេលទុក្ខព្រួយ សប្បាយរីករាយ សាកសួរព័ត៌មានចាំបាច់ ឬពិភាក្សាការងារ...។
គ. ឥរិយាបថនិងសំឡេង
ប្រើឥរិយាបថសមរម្យត្រឹមត្រូវ និងសំឡេងឮល្មមកុំឱ្យរំខានដល់អ្នកដទៃ។
