- បច្ចេកវិទ្យា (ន) វិជ្ជាខាងវិទ្យាសាស្រ្ត ជំនាញមួយប្រភេទកើតឡើងពិការរកឃើញជាក់ស្តែង...។
- គមនាគមន៍ (ន) ការធ្វើដំណើរ ការទាក់ទងទៅវិញទៅមក...។
- ពេញនិយម (គុ) ចូលចិត្ត ពេញចិត្ត...។
- គុណវិបត្តិ (ន) ភាពអវិជ្ជមាន ភាពមិនល្អ...។
- កាស (ន) ឧបករណ៍ដាក់ជាប់នឹងត្រចៀកដើម្បីស្តាប់សំឡេងផ្សេងៗ ដូចជាចម្រៀង ព័ត៌មាន
ដែលចេញពីទូរសព្ទ ឧបករណ៍ចាក់ចម្រៀង។
- សេវា (ន) ការបម្រើផ្សេងៗ។
- ឥទ្ធិពល (ន) អំណាច កម្លាំង។
- យុវជន (ន) មនុស្សវ័យជំទង់ទាំងពីរភេទ។
ទូរសព្ទ ជាបច្ចេកវិទ្យាគមនាគមន៍មួយប្រភេទដែលក្នុងពេលបច្ចុប្បន្ននេះកំពុងដើរតួយ៉ាងសំខាន់ក្នុងការផ្តល់ និង ទទួលព័ត៌មាន និង ទំនាក់ទំនងជាមួយផ្នែកផ្សេងៗទៀត ហើយមានមុខងារច្រើនយ៉ាងផងដែរ។
នៅឆ្នាំ២០០៩-២០១០ និង ឆ្នាំខាងមុខបន្តបន្ទាប់ទៅបន្ទាប់ទៅទៀត អត្រាអ្នកប្រើប្រាស់ទូរសព្ទចល័តនឹងមានសន្ទុះកើនឡើងយ៉ាងខ្លាំង ពិសេសនៅឧបទ្វីបអឺរ៉ុប និង ប្រទេសចិន។ នៅព្រះរាជាណាចក្រកម្ពុជាបច្ចុប្បន្ន ការលក់ទូរសព្ទកំពុងក្លាយជាមុខរបរពេញនិយម ហើយក៏កំពុងរីកដុះដាលនៅទីប្រជុំជនតាមបណ្តានានា និងរាជធានីភ្នំពេញ។ ប្រជាជនរដ្ឋខ្មែរ យើងភាគច្រើនកំពុងទទួលឥទ្ធិពលនៃភាពជឿនលឿនរបស់បច្ចេកវិទ្យានេះ ពិសេសបច្ចេកវិទ្យាទូរសព្ទ។ ក្រុមហ៊ុនលក់ទូរសព្ទ ក្រុមហ៊ុនលក់ប្រព័ន្ធបម្រើសេវានានាកំពុងប្រកួតប្រជែងដណ្តើមទីផ្សារនិងអតិថិជន។
ទូរសព្ទមិនត្រឹមតែមានមុខងារទទួលនិងផ្តល់ព័ត៌មានប៉ុណ្ណោះទេ ថែមទាំងមានមុខងារជាច្រើនទៀតដូចជា ថតរូប ថតវីដេអូ ចាក់ចម្រៀង មើលវីដេអូ និង ផ្ទុកឯកសារ។ល។ ប្រជាពលរដ្ឋរវាងពី៥០ ទៅ១០០លាននាក់នៅអ៊ឺរ៉ុបបានស្តាប់តន្រ្តីតាមរយៈកាសទូរសព្ទ ឬ ឧបករណ៍ចាក់ចម្រៀងផ្សេងៗជារៀងរាល់ថ្ងៃ។ បញ្ហាដ៏ធំបំផុតច្រើនកើតចំពោះអ្នកស្តាប់ចម្រៀងដោយប្រើកាស ដែលប្រើរយៈពេលលើស៥ម់ោងឡើងទៅក្នុងមួយសប្តាហ៍។ អ្នកសម្តាប់ចម្រៀងដោយប្រើប្រាស់កាស មានគ្រោះថ្នាក់ពី៥%ទៅ១០% ហើយបច្ចុប្បន្ន នៅឧបទ្វីបអ៊ឺរុបមានមនុស្សទទួលរងគ្រោះប្រមាណ១០លាននាក់។