មេរៀនទី៤ (សង្ខេបមេរៀន) អំណានទី១៖ សំបុត្រសួរសុខទុក្ខមិត្តភក្ដិ

❶. សិក្សាពាក្យគន្លឹះ

- មន្រ្តីរាជការ  (ន.) : អ្នករាជការ ដែលមានសក្តិយសអ្នកធ្វើការបម្រើក្នុងក្រសួងនានារបស់ប្រទេស...។
- ធូរធារ         (គុ.) : រីកចម្រើន ទូលាយ ទប់ទល់បាន...។
- ស្វ័យសិក្សា  (ន.) : រៀនសូត្រដោយខ្លួនឯង។
- រមណីយដ្ឋាន (ន.) : ទីកន្លែងកម្សាន្តនានា។
- វិថី                (ន.) : ផ្លូវ ដងផ្លូវ។
- អវសាន       (ន.) : ទីបំផុត ចុងក្រោយបំផុត។

❷. គម្រោង នៃការសរសេរសំបុត្រ

ខ្នងសំបុត្រ៖ យើងត្រូវសរសេរដូចខាងក្រោម
- ការគោរពជូន ឬជូនចំពោះ(ឈ្មោះអ្នកដែលត្រូវផ្ញើជូន)
- អាសយដ្ឋាន៖ អ្នកដែលត្រូវផ្ញើជូន 

ការសរសេរសំបុត្រសួរសុខទុក្ខមិត្តភក្តិមាន៣ផ្នែក គឺ៖

- ទីកន្លែងចុះកាលបរិច្ឆេទ នៃការសរសេរសំបុត្រ
- ចំណងជើងសំបុត្រ
- សំនួនសួរស្វាគមន៍

- សម្តែងសេចក្តីនឹករឭករបស់យើងចំពោះមិត្ត
- រៀបរាប់រឿងរ៉ាវផ្សេងៗដែលខ្លួនចង់និយាយសួរសុខទុក្ខមិត្តភក្តិខ្លួន។
- រៀបរាប់ពីសកម្មភាពផ្សេងៗដែលយើងជួបប្រទះ និងរៀបរាប់ពីការសិក្សាប្រាប់មិត្តផងដែរ។
- រៀបរាប់ពីក្តីនឹករឭកមិត្ត និងសួរសុខទុក្ខមិត្ត រួមជាមួយក្រុមគ្រួសារមិត្ត...។

- ជូនពរមិត្តភក្តិ(តាមកាលៈទេសៈ)
- ជួនកាលអាចភ្ជាប់ឃ្លាសេចក្តីដូចជា ពីកូនរបស់ម៉ែ​ ពីមិត្តអមតៈ...
- ចុងក្រោយចុះហត្ថលេខា និងឈ្មោះអ្នកសរសេរ...។