- ត្រពាំង (ន)
ថ្លុកធំកកើតពីមនុស្សជីកសម្រាប់ឱ្យដក់ទឹក ឬកើតដោយសារកម្លាំងទឹកហូរច្រោះក៏មាន។
- កំណាត់ (ន) អ្វីៗដែលគេកាត់
ឬដាច់ដោចកំណាត់ឈើឫស្សីមួយកំណាត់។
- លាភ (ន) ការបាន ដំណើរប្រទះលើការបានអ្វីៗដែលគួរបានចំណេញ។
- ជ្រោះ (ន) ជ្រលងជ្រៅក្នុងភ្នំចង្អូរទឹកចេញពីភ្នំ។
- ស្ងាត់ច្រៀប (គុ)
ដែលស្ងប់ស្ងាត់សូន្យឈឹងឥតមានសូរសព្ទឥតលេចឮដែលស្ងប់ឥតជ្រួលច្រាល។
- នឹកមមៃ (កិ.វិ) នឹករឿយៗ គឺដែលភ្នកនឹករឿយៗមិនភ្លេច។
- ទ្រហឹងអឺងកង (ន)
ដែលមានសូរឮអឺងកងនាំឱ្យទ្រហឹងត្រចៀក។
- ងើបភ្លែត (កិ) ងើបយ៉ាងរហ័ស។
- ក្រេប (កិ) ជញ្ជក់ ឬផឹកតិចៗ។
កាលពីព្រេងនាយមានដំរីមួយក្បាល បានដើររកចំណីនៅពេលដំរីនោះដើរវាបានទៅជាន់ចំសំបុកស្រមោចបណ្ដាលឱ្យស្រមោជាច្រើនក្បាលបានស្លាប់។ ស្តេចស្រមោច ក៏បានមកសួរដំរីនោះថាហេតុអ្វីបានជាបងដំរីឯងមកជាន់សំបុកខ្ញុំបែបនេះទៅវិញ? ដំរី ក៏តបទៅស្រមោចវិញថានៅក្នុងព្រៃនេះយើងជាសត្វដែលធំជាងគេគ្មានអ្នកណាអាចធ្វើអ្វីយើងបានទេយើងចង់ធ្វើអ្វីក៏បានដែរ ដំរីនិយាយបែបនេះរួចក៏ដើរចេញបាត់ទៅ។
ស្តេចស្រមោចខឹងខ្លាំងណាស់ ក៏បានរកវិធីសងសឹកដំរីនោះវិញលុះថ្ងៃមួយដំរីនោះកំពុងតែដេកលក់ ស្តេចស្រមោចក៏បាននាំកូនចៅទៅចូលក្នុងត្រចៀកដំរីរួចក៏នាំគ្នាខាំយ៉ាងខ្លាំងធ្វើឱ្យដំរីនោះឈឺចាប់ពេញត្រចៀក។ ដំរី ក៏បានធ្វើគ្រប់វិធីដើម្បីឱ្យស្រមោចចេញពីត្រចៀកដោយអស់វិធីដំរីក៏អង្វរស្រមោចឱ្យចេញពីត្រចៀកខ្លួនដោយសន្យានឹងស្រមោចថាខ្ញុំនឹងមិនដើរអួតអាងទៀតទេស្រមោចក៏បាននាំគ្នាចេញពីត្រចៀកដំរីអស់ទៅ។