ច្បាប់សញ្ជាតិនៅព្រះរាជាណាចក្រកម្ពុជា
មានគោលដៅកំណត់សញ្ជាតិខ្មែរចំពោះជនដែលបំពេញលក្ខខណ្ឌនៃច្បាប់នេះ អ្នកដែលរស់នៅលើទឹកដីប្រទេសកម្ពុជាឬនៅឯបរទេស
។ មានមាត្រាមួយបានកំណត់ពីលក្ខណៈវិនិច្ឆ័យប្រជាពលរដ្ឋខ្មែរ និងសិទ្ធិពលរដ្ឋខ្មែរ
ក្នុងការរក្សាសញ្ជាតិខ្លួន ដោយមិនអាចជនណាម្នាក់ដកសញ្ជាតិ
ឬនិរទេសដោយគ្មានកិច្ចព្រមព្រៀងជាមួយគ្នាទៅវិញទៅមកឡើយ ។
មាត្រាទី៣
ប្រជាពលរដ្ឋខ្មែរដែលកំពុងរស់នៅឯបរទេសត្រូវបានរដ្ឋគាំពារតាមគ្រប់មធ្យោបាយការទូត
និងមិនអាចបាត់បង់សញ្ជាតិដោយឯកឯង ។
ព្រះរាជាណាចក្រកម្ពុជាបានកំណត់យ៉ាងច្បាស់ចំពោះប្រជាពលរដ្ឋ
ដែលត្រូវទទួលបានសញ្ជាតិជាខ្មែរ ។
ជាតិខ្មែរពីកំណើត
មានដូចខាងក្រោម ៖
- កើតនៅព្រះរាជាណាចក្រកម្ពុជា ។
- កូនកើតពីឪពុកម្តាយបរទេសដែលកើត និងរស់ស្របច្បាប់ក្នុងប្រទេសកម្ពុជា។
- កូនកើតពីឪពុកម្តាយដែលមិនស្គាល់ និងកូនទើបនឹងកើតដែលគេរើសបាននៅកម្ពុជា ។
- កូនមានខាន់ស្លាដែលកើតពីឪពុកម្តាយសញ្ជាតិខ្មែរ ។
- កូនឥតខាន់ស្លា ដែលឪពុកម្តាយមានសញ្ជាតិខ្មែរ ។
- កូនដែលឪពុកម្តាយមិនទទួលស្គាល់កាលបើតុលាការចេញសាលក្រមថា កូននោះពិតជាកើតពីឪពុកម្តាយដែលមានសញ្ជាតិខ្មែរ ។
សញ្ជាតិខ្មែរដោយអាពាហ៍ពិពាហ៍ ជាការទទួលបានសញ្ជាតិខ្មែរតាមរយៈអាពាហ៍ពិពាហ៍ ដោយបានកំណត់ដោយច្បាប់ មានន័យថា បុរស ឬស្ត្រីបរទេសដែលយកប្តី ឬប្រពន្ធខ្មែរបានរៀបការអាច ទាមទារសញ្ជាតិខ្មែរបានលុះត្រាតែស្ត្រី ឬបុរសនោះបានរស់នៅជាមួយគ្នាបាន ៣ឆ្នាំ ក្រោយពេលចុះសំបុត្រអាពាហ៍ពិពាហ៍ ។
ការសុំចូលសញ្ជាតិខ្មែរ ជាការសុំរបស់ជនបរទេសដែលបានរស់នៅលើទឹកដីខ្មែរ ឬបានផ្តល់គុណសម្បត្តិធំធេងក្នុងការអភិវឌ្ឍសង្គមខ្មែរ ហើយការផ្តល់សញ្ជាតិបានកំណត់ដោយច្បាប់ ។
- មានលិខិតបញ្ជាក់ថាមានគំនិតមារយាទនិងសីលធម៌ល្អដោយចេញពីមេឃុំ-ចៅសង្កាត់របស់ខ្លួន ។
- មានលិខិតថ្កោលទោសបញ្ជាក់ថា
ពុំមានទោសពីមុនបទព្រហ្មទណ្ឌណាមួយ ។
- មានលិខិតបញ្ជាក់ថា
ជននោះមានលំនៅក្នុងប្រទេសកម្ពុជាហើយស្នាក់នៅជាប់គ្នាចំនួន ៧ឆ្នាំ ។
- មានទីលំនៅក្នុងប្រទេសកម្ពុជានៅពេលដាក់ពាក្យសុំសញ្ជាតិតូបនីយកម្ម
(ការសុំផ្លាស់ប្តូរ) ។
- ចេះនិយាយភាសាខ្មែរ ចេះអក្សរខ្មែរ
និងយល់ដឹងខ្លះពីប្រវត្តិសាស្ត្រខ្មែរ ។
ជនបរទេសដែលបានធ្វើអំណោយជាប្រាក់ដល់ថវិកាជាតិចាប់ពីមួយពាន់លានរៀល (១, ០០០, ០០០ ,០០០) ឡើងទៅ ឬបានបង្ហាញនូវភស្តុតាងថាខ្លួនបានផ្តល់គុណសម្បត្តិពិសេសឬថ្វីដៃពិសេសអ្វីមួយជាប្រយោជន៍ដល់ការ អភិវឌ្ឍសេដ្ឋកិច្ចនៃព្រះរាជាណាចក្រកម្ពុជា ជនបរទេសនោះអាចធ្វើពាក្យសុំចូលសញ្ជាតិខ្មែរបាន ។
ជនបរទេសដែលមានសហព័ទ្ធ ឬកូនដែលមានអាយុតិចជាង១៨ឆ្នាំដែលមានបំណងសុំសញ្ជាតិជាចង្កោមគ្រួសារ ។ បែបបទនិងនីតិវិធីនៃការសុំសញ្ជាតិការសម្រេចផ្តល់សញ្ជាតិខ្មែរត្រូវកំណត់ដោយច្បាប់ និងធ្វើសម្បថនៅចំពោះមុខតុលាការកំពូល ។
មានតែពលរដ្ឋខ្មែរទេ
ដែលមានសិទ្ធិទទួលកាន់កាប់អត្តសញ្ញាណប័ណ្ណសញ្ជាតិខ្មែរ និងលិខិតឆ្លងដែននៃព្រះរាជាណាចក្រកម្ពុជា ។ មាត្រាមួយចំនួននៃច្បាប់សញ្ជាតិចែងថា ៖
- ជនបរទេសណាដែលប្រើប្រាស់អត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែនកម្ពុជាត្រូវជាប់គុកពី៥ឆ្នាំ ដល់ ១០ឆ្នាំ (មាត្រា ២០)។
- ជនដែលក្លែងបន្លំអត្តសញ្ញាណប័ណ្ណសញ្ជាតិខ្មែរ និងលិខិតឆ្លងដែនត្រូវជាប់គុកពី៥
ដល់ ១០ឆ្នាំ (មាត្រា២១)
-
មន្ត្រីភ្នាក់ងាររាជការ ឬជនដែលផ្សំគំនិតជួយលាក់បាំង ឬផ្តល់អត្តសញ្ញាណប័ណ្ណសញ្ជតិខ្មែរ ឬលិខិតឆ្លងដែនដោយខុសច្បាប់ត្រូវមានទោសដូចគ្នាដូចមានចែងក្នុងមាត្រា២០,២១,២២ ។