ច្បាប់អន្តោប្រវេសន៍
ជាច្បាប់មួយប្រភេទដែលមានគោលដៅគ្រប់គ្រងជនបរទេសគ្រប់រូបដែលស្នាក់នៅលើ
ទឹកដីនៃព្រះរាជាណាចក្រកម្ពុជា ។ ជនដែលចាត់ទុកជាជនបរទេសគឺ
ជនណាដែលគ្មានសញ្ញាតិជាខ្មែរ ។
ច្បាប់អន្តោប្រវេសន៍
ត្រូវបានអនុវត្តចំពោះជនបទេសគ្រប់រូបលើកលែងតែក្នុងករណីដែលត្រូវអនុវត្តតាមវិធាន
ការនៃច្បាប់អន្តរជាតិ ដែលព្រះរាជាណាចក្រកម្ពុជា
ជាភាគីហត្ថលេខីទោះបីជាជននោះបានមកតាំងនៅមុនពេលដែល ច្បាប់នោះចូលជាធរមានហើយក៏ដោយ
។
ជនបរទេសដែលចាត់ទុកជាអន្តោប្រវេសន៍គឺជនទាំងឡាយណាដែលមកព្រះរាជាណាចក្រកម្ពុជាដោយស្របច្បាប់ ដើម្បីស្នាក់នៅរយៈពេលយូរ ឬដើម្បីប្រកបវិជ្ជាជីវៈ ឬធ្វើសកម្មភាពផ្សេងៗដែលទាក់ទងនឹងឧស្សាហកម្ម ពាណិជ្ជកម្ម។
ជនបរទេសអន្តោប្រវេសន៍
ជាអ្នកវិនិយោគឯកជនគឺជាជនបរទេសដែលចូលមកក្នុងព្រះរាជាណាចក្រកម្ពុជាដើម្បី
ធ្វើវិនិយោគក្នុងក្របខ័ណ្ឌច្បាប់វិនិយោគ នៃប្រទេសកម្ពុជា ។
ជនអន្តោប្រវេសន៍
ជាអ្នកវិនិយោគឯកជនចែកចេញជាពីរប្រភេទគឺ ៖
- ជនបរទេសដែលចូលមកកម្ពុជាដើម្បីពិនិត្យលទ្ធភាពធ្វើវិនិយោគ
។
- ជនបរទេសដែលទទួលបានលិខិតអនុញ្ញាតឱ្យធ្វើវិនិយោគពីក្រុមប្រឹក្សាអភិវឌ្ឍកម្ពុជារួចហើយ។
ការផ្តន្ទាទោសជាការដាក់ទោសបញ្ញត្តិដល់ជនបរទេស ឬភ្នាក់ងារមានសមត្ថកិច្ច ឬជនទាំងឡាយណាដែលមិន អនុវត្តតាមច្បាប់អន្តោប្រវេសន៍ ឬការបណ្តេញចេញពីប្រទេសកម្ពុជាចំពោះជនបរទេសណាដែលមិនគោរព និងអនុវត្តតាមច្បាប់នេះ ។
- ជនបរទេសទាំងឡាយណាដែលចូលមកប្រទេសកម្ពុជា
ឬដោយប្រើល្បិចផ្សេងៗដែលផ្ទុយនិងច្បាប់ត្រូវផ្តន្ទាទោសដាក់ពន្ធធនាគារពី៣ខែ ដល់ ៦ខែ
មុននឹងត្រូវបណ្តេញចេញពីកម្ពុជា ។
- ត្រូវផ្តន្ទាទោសដូចគ្នាចំពោះជនណាដែលផ្តល់ជំនួយ
ឬជួយលាក់បាំងជនបរទេសដែលគ្មានការអនុញ្ញាត ។
- មន្ត្រីឬភ្នាក់ងាររាជការមានសមត្ថកិច្ចរូបណាដែលជាអ្នកផ្សំគំនិត
ឬជួយសម្រួលក្នុងការប្រព្រឹត្តបទល្មើសត្រូវផ្តន្ទាទោសដាក់ពន្ធធនាគារពី ៦ខែ ដល់ ១ឆ្នាំ ។
- ជនណាដែលកោសលុប សរសេរត្រួត ក្លែង ឬឱ្យគេខ្ចី
ឬមួយសរសេរឈ្មោះក្លែងក្លាយក្នុងប័ណ្ណស្នាក់នៅ ឬបន្លំឯកសារផ្សេងៗត្រូវផ្តន្ទាទោសដាក់ពន្ធធនាគារពី៥ឆ្នាំ ដល់ ១០ឆ្នាំ ។
អ្នកផ្សំគំនិតត្រូវមានទោសដូចគ្នា ។
ត្រូវផ្តន្ទាទោសពិន័យជាប្រាក់ពី ៥០,០០០រៀល ដល់ ១,០០០,០០០រៀល ចំពោះជនអន្តោប្រវេសន៍ដែល ៖
- មិនបានបង្ហាញខ្លួន
និងដាក់ពាក្យសុំស្នាក់នៅ ។
- មិនបានសុំបញ្ជាក់លើប័ណ្ណស្នាក់នៅពីសមត្ថកិច្ចមូលដ្ឋានមុនផ្លាស់ប្តូរទីលំនៅ។
- មិនបានបង្ហាញប័ណ្ណស្នាក់នៅដល់សមត្ថកិច្ចពេលសមត្ថកិច្ចឆែកឆេរ
។
- ការធ្វើដំណើរជិត
ឬចូលក្នុងតំបន់ដែលសមត្ថកិច្ចហាមឃាត់ ។
- ប្រើប្រាស់ប័ណ្ណស្នាក់នៅហួសពេលកំណត់ ។
- មិនបានសុំការអនុញ្ញាតចេញ
និងវិលមកវិញពីអាជ្ញាធរមានសមត្ថកិច្ចក្នុងរយៈពេលស្នាក់នៅ។
- ក្នុងករណីពុំរៀងចាលត្រូវផ្តន្ទាទោសពិន័យជាប្រាក់
១,០០០,០០០រៀល ដល់ ២,០០០,០០០រៀល ។
- ត្រូវពិន័យជាប្រាក់ពី ១០,០០០រៀល ដល់ ៣០,០០០រៀល
ចំពោះម្ចាស់លំនៅឋានមិនបានផ្តល់ពត៌មានដល់អាជ្ញាធរ ។
- ក្នុងករណីមិនរៀងចាលត្រូវផ្តន្ទាទោសពិន័យជាប្រាក់ពី ៣០,០០០រៀល ដល់ ៦០,០០០រៀល ។
- ត្រូវផ្តន្ទាទោសពិន័យជាប្រាក់ពី ២០០,០០០រៀល ដល់ ៥០០,០០០រៀល ចំពោះជនដែលទទួលជនបរទេសឱ្យធ្វើការហើយមិនបានគោរពច្បាប់កម្ពុជា ។ ករណីមិនរៀងចាលផ្តន្ទាទោសដាក់គុកពី១ខែ ដល់ ៣ខែ។
មាត្រាមួយចំនួននៃច្បាប់អន្តោប្រវេសន៍បានចែង ពីការបណ្តេញជនបរទេសដែលមិនអនុវត្តច្បាប់មានដូចជា ៖
- មានអាកប្បកិរិយា
និងសកម្មភាពគ្រោះថ្នាក់ដល់សន្តិសុខជាតិកម្ពុជា ។
- ជននោះជាអ្នកប្រឆាំងនឹងសន្តិសុខនៃប្រទេសកម្ពុជា ។
- មកធ្វើការងារនៅកម្ពុជាគ្មានប័ណ្ណការងារដើម្បីឆ្លើយតបនូវបញ្ហាខាងលើ យើជាពលរដ្ឋត្រូវតែយល់ឱ្យច្បាស់ពីច្បាប់អន្តោប្រវេសន៍
និងរួមគ្នាអនុវត្តឱ្យខ្ជាប់ខ្ជួន ។