ការស្រាវជ្រាវមានច្រើនប្រភេទ។ ការស្រាវជ្រាវអាចធ្វើតាមរយៈការសាកសួរព័ត៌មានផ្ទាល់មាត់ទៅលើមនុស្សចាស់ទុំច្រើនគ្នា ដែលធ្លាប់ដឹងឮបញ្ហាហេតុការណ៍ ឬរឿងរ៉ាវដែលកន្លងផុតទៅតាមរយៈការរុករកក្នុងទឹក ក្នុងព្រៃ ក្នុងសមុទ្រ ឬក្រោមដីជាដើម។ ក្នុងការស្រាវជ្រាវតាមរយៈឯកសារ ឬសៀវភៅផ្សេងៗអ្នកត្រូវ៖
✦ កំណត់ប្រធានបទ ដែលត្រូវស្រាវជ្រាវឱ្យបានច្បាស់លាស់។
✦ កំណត់ទីតាំងរកឯកសារដូចជា បណ្ណាល័យ
ឬមជ្ឈមណ្ឌលតម្កល់ឯកសារនានា ដើម្បីរកឯកសារពិគ្រោះ។
✦ អានមាតិកាអត្ថបទសៀវភៅដើម្បីរកចំណងជើងអត្ថបទដែលទាក់ទងទៅនឹងប្រធានបទរបស់អ្នក។
✦ អានអត្ថបទដែលអ្នករកឃើញដោយប្រុងប្រយ័ត្ន
ដើម្បីយកខ្លឹមសារសំខាន់ៗដែលទាក់ទងនឹងប្រធានបទរបស់អ្នក។
✦ ស្រង់ប្រភពឯកសារដូចជាចំណងជើងសៀវភៅ ឈ្មោះអ្នកនិពន្ធ
ទីកន្លែង ឆ្នាំបោះពុម្ពផ្សាយ និងទំព័រអត្ថបទ។
✦ ប្រាប់ប្រធានបទ និងបំណងនៃការស្រាវជ្រាវលើប្រធានបទនោះ។
✦ ផ្ដល់សេចក្ដីពន្យល់
និយមន័យចាំបាច់លើពាក្យគន្លឹះប្រធានបទ ប្រធានបទរង។ល។
✦ ស្រង់ឧទាហរណ៍ក្នុងឯកសារយោង(ឯកសារដែលយើងកំពុងពិគ្រោះសំណេរស្រាវជ្រាវនោះ)ក្នុងករណីនេះត្រូវចុះលេខយោងប្រាប់ប្រភព។
✦ រកឧទាហរណ៍មកបន្ថែម។
✦ ពន្យល់លក្ខណៈពិសេសផ្នែកនីមួយៗ ។
✦ វាយតម្លៃលើលទ្ធផលនៃការស្រាវជ្រាវ។
✦ ភ្ជាប់បញ្ជីឯកសារពិគ្រោះ។