នាងវីរហ្សីនីបានធ្វើដំណើរពីប្រទេសបារាំងតាមនាវាសាំងហ្សេរង់។ មកដល់កោះអ៊ីលដឺហ្រ្វង្សក៏បានជួបព្យុះសង្ឃរាមួយដ៏ធំ។ ប៉ូលបានដឹងថានាងវីរហ្សីនីវិលមកវិញតាមនាវាសាំងហ្សេរង់ក៏បានមករង់ចាំនាងនៅមាត់សមុទ្រនៅពេលឃើញនាវានោះលិចទឹកប៉ូលក៏លោតទៅជួយតែត្រូវដូម៉ាំង្គចងខ្សែពួរជាប់នឹងចង្កេះដើម្បីងាយស្រួលអូសវាត្រឡប់មកវិញ។ ប៉ូលមកច្រាំងសមុទ្រហើយមានរបួសសន្លប់បាត់ទៅនៅលើនាវាគេបានឃើញស្ត្រីក្រមុំម្នាក់កំពុងហុចដៃមកឱ្យអ្នកនៅលើច្រាំងជួយ។ពេលនោះមានកម្មករនាវាម្នាក់បានដោះសម្លៀកបំពាក់លុតជង្គង់សុំជួយអាសានាងតែត្រូវឱ្យនាងដោះសម្លៀកបំពាក់ចេញទើប អាចនាំទៅដល់គោកបាន។ នាងវីរហ្សីនីមិនទទួលការសុំរបស់កម្មករនោះឡើយហើយបែរមុខចេញដោយដាក់ដៃរបស់នាងទៅលើសម្លៀកបំពាក់។
គ្រានោះមានរលកដ៏ធំបានបោកបក់មកលើនាវានោះ។ កម្មករនោះបានលោតទឹកទៅ។ ចំពោះនាង វីរហ្សីនី ក៏ត្រូវរលកនោះរុញបោកស្លាប់នៅក្នុងគ្រានោះទៅ។ តាដូម៉ាំង្គបានរកឃើញសាកសពនាងវីរហ្សីនីនៅដៃសមុទ្រ ឈ្មោះស្ទឹងភ្ជល់ដែលសាកសពនាងមានអាការៈដូចពេលដែលគេឃើញនៅលើនាវា។ ក្នុងម្រាមដៃនាងក្តាប់ប្រអប់មួយដែលមានរូបថតរបស់ប៉ូលគេបានយកសាកសពនាងទៅធ្វើបុណ្យនៅឯទីក្រុងព័រល្វីដែលមានការដង្ហែក្បួនយ៉ាងគគ្រឹកគគ្រេងរួចយកទៅបញ្ចុះនៅក្បែរគុម្ពឫស្សី ដែលនាងធ្លាប់នៅអង្គុយលេងជាមួយប៉ូលនៅពេលទៅវិហារជាមួយម្ដាយនាង។ ក្រោយមកប៉ូល ក៏ចាប់ផ្តើមឈឺធ្ងន់ហើយស្លាប់ទៅ។ គេបានយកសាកសពប៉ូលទៅបញ្ចុះក្បែរផ្នូរនាងវីរហ្សីនី។