ជម្រាបសួរប្អូនៗសិស្សានុសិស្សទាំងអស់គ្នា សូមស្វាគមន៍មកកាន់ថ្នាក់រៀន ភាសាខ្មែរ សម្រាប់ថ្នាក់ទី ១០
អ្នកគ្រូឈ្មោះ
លេខទំនាក់ទំនង
អ៊ីមែល
ប្រទេសយើងក្នុងសម័យបុរាណកាល ជារដ្ឋរុងរឿង ខ្ពង់ខ្ពស់ ថ្លៃថ្នូរ មានឈ្មោះល្បីជាងគេនៅអាស៊ីអាគ្នេយ៍យើងនេះ។ ហើយជាទឹកដីល្អផូរផង់ដោយសម្បត្តិធម្មជាតិ សម្បត្តិវប្បធម៌ដ៏ថ្លៃថ្លា និងច្រើនមហិមាជាកេរដំណែលមិនអាចកាត់ថ្លៃបាន ដែលដូនតាខ្មែរបន្សល់ទុកសម្រាប់កុលបុត្រ កុលធីតាខ្មែរគ្រប់ជំនាន់។ មរតកទាំងអស់នេះហើយ ដែលធ្វើឱ្យយើងជាកូនខ្មែរជំនាន់ក្រោយ មានមោទនភាពជាតិ...។ សេចក្តីស្រឡាញ់ ការពេញចិត្ត ការលើកតម្កើង ការឱ្យតម្លៃខ្ពស់ចំពោះជាតិខ្លួនត្រូវតែសម្តែងចេញជា ការចូលរួមយ៉ាងសកម្មក្នុងការកសាង ការពារ និងអភិវឌ្ឍជាតិ។
អត្តសញ្ញាណជាតិ គឺជាគ្រឿងសម្គាល់ ជាទីអាងនូវលក្ខណៈពិសេស និងដោយឡែករបស់ជាតិសាសន៍នីមួយៗ។ អត្តសញ្ញាណជាតិរួមមាន ទង់ជាតិ ភ្លេងជាតិ ភាសា អក្សរ សិល្បៈ វប្បធម៌ អក្សរសាស្រ្ត ជំនឿ សាសនា ប្រពៃណី និងទំនៀមទម្លាប់ជាតិផ្សេងៗទៀតដែលឆ្លុះបញ្ចាំងនូវផ្នត់គំនិត ទស្សនៈ ចរិតលក្ខណៈជាតិ ។
សេចក្ដីសុខជាបំណងប្រាថ្នារបស់មនុស្សទូទៅ។ អ្នកដែលមានសេចក្ដីសុខពិតប្រាកដ លុះត្រាតែអ្នកនោះទទួលបានសេចក្ដីសុខទាំងផ្លូវកាយនិងផ្លូវចិត្ត។ ការគោរពបូជាក៏ជាមធ្យោ បាយមួយញ៉ាំងឱ្យវិញ្ញាណស្មារតីរបស់មនុស្សមានភាពស្ងប់ស្ងាត់ និងជំរុញឱ្យមានសេចក្ដីសុខ ផ្លូវចិត្ត។ ការគោរព គឺជាការប្រតិបត្តិ ការប្រព្រឹត្តតាមឱវាទរបស់បុគ្គលដែលគួរតែគោរព ដោយមានការលះបង់ថ្វាយឬជូនវត្ថុផ្សេងៗចំពោះបូជនីយបុគ្គល។
ដើម្បីធ្វើឱ្យជីវិតកាន់តែមានតម្លៃថែមទៀតនោះ មនុស្សម្នាក់ៗគប្បីលះបង់អំពើអាក្រក់ហើយខិតខំកសាងអំពើល្អ និងសុចរិតទៀងត្រង់។ អំពើល្អទាំងនោះ បានស្តែងចេញតាមរយៈសន្តានចិត្តទូលាយរបស់បុគ្គលដូចជា ការជួយសង្គ្រោះគ្នា មិនប្រមាថ ឬរំលោភសិទ្ធិអ្នកដទៃ និងការប្រកាន់យកសច្ចធម៌ជាដើម។
ភាសា ជាអត្តសញ្ញាជាតិពិសេសមួយ ក្នុងចំណោមអត្តសញ្ញាណជាតិច្រើនទៀត។ ចំណែកឯពាក្យថា សោភ័ណភាសា មានន័យថា ជាភាសាមួយដែលកើតមានភាពត្រឹមត្រូវ មានក្បួនខ្នាត មានកំណកំណើត និងការវិវត្តច្បាស់លាស់។ ការប្រើប្រាស់សិល្បៈ ឬសិល្បៈក្នុងការនិយាយ ការសរសេរ និងចេះឱ្យតម្លៃ ហៅថា សោភភ័ណភាសា ឬសិល្បៈភាសាពិតៗ។ ក្នុងមេរៀននេះ អ្នកនឹងសិក្សាចំណុចសំខាន់ៗ មានដូចជា៖
ការទទួលស្គាល់ការពិត គឺជាការទទួលស្គាល់នូវរឿងរ៉ាវ ហេតុការណ៍ ឬអ្វីៗដែលកើតមានឡើងប្រាកដជាក់ស្តែង ទោះជារឿងរ៉ាវ ហេតុការណ៍ទាំងនោះកើតឡើងពីអតីតកាល ឬក៏បច្ចុប្បន្នកាលក្តី។ គេមិនអាចបិទបាំង ឬគេចវេះពីការពិតបានជារៀងរហូតនោះទេ។ ដូចនេះយើងត្រូវតែទទួលយកការពិត ឬក៏ហានប្រឈមនឹងការពិត ដើម្បីជាបទពិសោធសម្រាប់បច្ចច្បន្ន និងអនាគត។
ពលរដ្ឋម្នាក់ៗ ជាកោសិការបស់ប្រទេសជាតិ។ ប្រទេសជាតិមួយ អាចស្ថិតស្ថេរ គង់វង្សនិងមានការអភិវឌ្ឍអាស្រ័យដោយប្រទេសនោះ សម្បូរទៅដោយពលរដ្ឋល្អ និងពលករជំនាញ។ យើងម្នាក់ៗបានធ្វើខ្លួនឱ្យក្លាយជាពលរដ្ឋល្អហើយឬនៅ? តើពលរដ្ឋល្អ ត្រូវមានតួនាទី និងកាតព្វកិច្ចដូចម្ដេចខ្លះ ចំពោះជាតិមាតុភូមិ?
ពលរដ្ឋល្អ ត្រូវធ្វើសេចក្តីសម្រេចចិត្តប្រកបដោយគតិបណ្ឌិត។ មានន័យថា មុននឹងធ្វើការសម្រេចធ្វើអ្វីមួយយើងត្រូវគិតពិចារណា វិភាគ ពិគ្រោះយោបល់ជាមួយអ្នកដែលគួរពិគ្រោះឱ្យបានម៉ត់ចត់។ ម៉្យាងទៀតមុននឹងសម្រេចចិត្ត យើងក៏ត្រូវគិតទៅដល់លទ្ធផលដែរ គឺធ្វើយ៉ាងណាឱ្យការសម្រេចចិត្តរបស់យើងមានតម្លៃ មានកិត្តិយស និងមានប្រយោជន៍សម្រាប់ខ្លួនឯង គ្រួសារ និងសង្គមជាតិ។
ប្រទេសកម្ពុជា ជាប្រទេសដែលធ្លាប់មានខឿនវប្បធម៌ អរិយធម៌រុងរឿងនៅជ្រោយឥណ្ឌូចិនយើងនេះតាំងពីយូរយារណាស់មកហើយ។ ភាពចំណាស់និងកិត្តិសព្ទដ៏ល្បី ល្បាញនៃសិល្បៈខ្មែរបានស្តែងចេញតាមរយៈទឹកដៃសិល្បៈរបាំ ចម្រៀង កំណាព្យ ចម្លាក់ សំណង់ ស្ថាបត្យកម្មប្រាសាទនានាផងដែរ ដែលសុទ្ធតែមានតម្លៃខ្ពង់ខ្ពស់វិសេសវិសាលថ្លៃថ្លា ជាហេតុនាំឲ្យពិភពលោកទាំងមូលទទួលស្គាល់និងកោតសរសើរស្ញប់ស្ញែងនូវទេពកោសល្យដ៏ប៉ិនប្រសប់របស់បុព្វបុរសខ្មែរយើងយ៉ាងក្រៃលែង។
ជំនឿ ជាផ្នែកមួយនៃអត្តសញ្ញាជាតិ។ ជំនឿផ្សារភ្ជាប់ទៅនិងជីវភាពប្រចាំថ្ងៃរបស់មនុស្ស។ ដោយសារតែការរស់នៅរបស់មនុស្សបានឆ្លងកាតឧបសគ្គនានា ពិសេសបាតុភូតធម្មជាតិ ហើយពួកគេពុំអាចយកជ័យជំនះបាន ក៏កើតចេញជាជំនឿផ្សេងៗរាប់មិនអស់។ មូលហេតុខាងលើនេះ នាំឱ្យមនុស្សសម័យដើមតែងនឹងសង្ស័យថា ពិតជាមានកំលាំងដ៏មហិមាណាមួយ ដែលជាកំលាំងខាងក្រៅខ្លួនមកជួយឱ្យពួកគេរស់នៅបានសុខ ឬបានទុក្ខ។ ឥទ្ធិពលដ៏អាថ៌កំបាំងនៃកំលាំងដ៏អស្ចារ្យនេះក៏ក្លាយទៅជាប្រពៃណីនៃក្ដីសង្ឃឹមរបស់ពួកគេ ដែលគេតែងតែជឿ ហើយគោរពបូជាតាំងពីដើមតរៀងមកមូលហេតុខាងលើនេះ នាំឱ្យមនុស្សសម័យដើមតែងនឹងសង្ស័យថា ពិតជាមានកំលាំងដ៏មហិមាណាមួយ ដែលជាកំលាំងខាងក្រៅខ្លួនមកជួយឱ្យពួកគេរស់នៅបានសុខ ឬបានទុក្ខ។ ឥទ្ធិពលដ៏អាថ៌កំបាំងនៃកំលាំងដ៏អស្ចារ្យនេះក៏ក្លាយទៅជាប្រពៃណីនៃក្ដីសង្ឃឹមរបស់ពួកគេ ដែលគេតែងតែជឿ ហើយគោរពបូជាតាំងពីដើមតរៀងមក។
