ព័ត៌មានសង្ខេប
- ប្រភព៖ ដកស្រង់ចេញពីរឿងគ្រូបង្រៀនស្រុកស្រែ
ដែលមានប្រភពចេញមកពីដំណើរការតស៊ូនយោបាយរបស់គ្រូបង្រៀនមួយក្រុមនៅព្រៃទទឹង កំពង់ចាម
ប្រទេសកម្ពុជា ។
- ប្រភេទ៖ ជារឿងប្រភេទប្រលោមលោកទំនើបបែបមនោគមវិជ្ជា។
- ចលនា៖ ខេមរនិយម។
- ឥទ្ធិពល៖ សង្គមនិយម
ព្រោះខ្លឹមសាររឿងបំផុសអ្នកអានឱ្យមានគំនិតជឿនលឿន។
- កាលកំណត់តែង៖ ១៩៥៧ ។
- អ្នកនិពន្ធ៖ អ៊ឹមថុក។
ប្រធានរឿង និយាយពីការតស៊ូ ដើម្បីទាមទារសិទ្ធិសេរីភាព និងប្រជាធិបតេយ្យ តួអង្គសំខាន់ៗ ពូហម អាចារ្យសម ឡឹង
លោកគ្រូម៉ៅ... ទីកន្លែង ភូមិឬស្សី ដំណើររឿង (អត្ថបទដកស្រង់)
· អាចារ្យសម ពូហម
និងអន្ទិតឡឹងសន្ទនាគ្នាអំពីអំពើឃោរឃៅរបស់ពួកនាយទុន។ · ពូហមលើកពីផែនការរៀបចំទម្រង់សង្គមឡើងវិញតាមទស្សនៈជឿនលឿន។
ក. ពន្យល់ពាក្យ
· មេសង្វៀន (ន.) មេខ្លោង អ្នកការពារព្រំប្រទល់បឹង ឬការពារឡូតិ៍នេសាទ។
· កង់ប្រវត្តិសាស្ត្រ (ន.) ដំណើរវិវត្តរបស់ប្រវត្តិសាស្ត្រ។
· បើកភ្នែក (កិ.) ស្វែងយល់ពីការពិត។
· អ្នកលេង (ន.) ក្រុមអ្នកដៃដល់ ។
· ចិញ្ចឹមឆ្នាំង (កិ.) ប្រកបមុខរបរមួយពេលសម្រាប់តែមួយពេល។
· កប់ក្ដោង (គុ.កិ) សន្ធឹកសន្ធាប់ ច្រើនហួសពីការស្មាន។
