អត្ថបទនេះដកស្រង់ពី រឿង ផ្កាស្រពោន របស់លោក នូ ហាច បោះពុម្ពផ្សាយឆ្នាំ ១៩៦០ ទំព័រទី ៧០-៧៤។
ទិដ្ឋភាពប្រវត្តិនៃរឿង៖
- ប្រភពរឿង៖ កើតមានឡើងនៅក្នុងប្រទេសកម្ពុជា
- ប្រភេទ៖
អក្សរសិល្ប៍ទំនើប បែបប្រលោមលោកមនោសញ្ជេតនា
- កាលកំណត់តែង៖ តែងក្នុងឆ្នាំ ១៩៤៧ បោះពុម្ពក្នុងឆ្នាំ ១៩៤៩
- ចលនា៖ ខេមរនិយម
- សង្គមបរិយាកាស៖ ដំណើររឿងប្រព្រឹត្តទៅក្នុងសម័យអាណានិគមបារាំង។
អត្ថបទអំណានជំនឿ ដកស្រង់ពីរឿង ផ្កាស្រពោន
គឺបង្ហាញពី៖
- ខ្លឹមសារ៖ បង្ហាញពីជំនឿយ៉ាងងប់ងល់ពុំសមហេតុផលរបស់យាយនួន
ដែលជាម្តាយរបស់នាងវិធាវី។
- ទីកន្លែង៖ ក្នុងអត្ថបទ
គឺផ្ទះយាយនួន។
- តួអង្គក្នុងអត្ថបទដកស្រង់៖ នាងវិធាវី យាយនួន លោកគ្រូភ្នំសំពៅ លោកគ្រូអាន ម៉ែអេង នាងថូ និងម៉ែផៃ
- ព្រឹត្តិការណ៍សំខាន់ៗបង្ហាញពីជំនឿគឺ៖ យាយនួន បាននិមន្តព្រះសង្ឃនៅភ្នំសំពៅមកស្រោចទឹកឱ្យនាងវិធាវី។ បន្ទាប់មកលោកគ្រូអាន បានគន់គូរជោគជតា និងសូត្រមន្តរំដោះគ្រោះនាងវិធាវី។ ហើយម៉ែអេង បានរៀបចំពិធីបណ្តេញអារក្ស។
គ្រូទាំងបីពុំបានធ្វើឱ្យជំងឺវិធាវីធូរស្បើយទេ តែបែរជាធ្ងន់ធ្ងរឡើងៗ។
