អក្សរសិល្ប៍ព្រាហ្មណ៍និយម គឺជាអត្ថបទអក្សរសិល្ប៍ទាំងឡាយណាដែលមានទំនាក់ទំនងទៅនឹងសាសនាព្រាហ្មណ៍។ អក្សរសិល្ប៍ នេះតែងលើកយកអច្ឆរិយៈបុគ្គល ទេវតា អាទិទេព ព្រះ ឥសូរ ព្រះព្រហ្ម ព្រះនរាយណ៍ យក្សដោយរួមផ្សំនិងមន្ដអាគមអូមអាម ចេះហោះហើរដើរលើ អាកាសជាដើម។ មានលក្ខណៈសម្គាល់ដូចជា៖
ច្រើនលើកសរសើរពីឫទ្ធិអំណាចរបស់ព្រះឥសី ព្រះទេវៈឬអាទិទេពជាដើម។
- តួអង្គ៖ ជាអាទិទេព
ឬជាអវតារនៃព្រះវិស្ណុ មកចាប់កំណើតជាបុរសអស្ចារ្យ តួអង្គស្រី ជានារីអស្ចារ្យ
មានតួអង្គផ្សេងៗដូចជាឥសី ទេវតា យក្ស គ្រុឌ...។
-ដំណើររឿង៖
ច្បាំងមិនចេះចប់ប្រកបដោយសិល្ប៍សាស្ដ្រអស្ចារ្យ។
-ទីកន្លែង៖ ព្រៃហេមពាន្ដ ក្រុងឰយុធ្យា ស្ថានសួគ៌ ក្រុងបាតាល ពោលគឺឋានទាំងបី។
-បញ្ហាដោះស្រាយ៖ ដោយសិល្ប៍មន្ដ ឫទ្ធិអំណាច
សងសឹកធ្វើចម្បាំងនឹងគ្នាដោះស្រាយដោយយុទ្ធវិធី។
-ស្នេហា៖ អ្នកឈ្នះ
ឬអ្នកខ្លាំងបានទទួលស្នេហា។
-ទំនាស់៖
កើតឡើងដោយវិបត្តិទំនាស់រវាងសភាវៈល្អ និងសភាវៈអាក្រក់ច្បាំងទាស់គ្នា មានទារុណកម្មទាំងផ្លូវកាយ
និងផ្លូវចិត្ត។
-ឧត្តមគតិរឿង៖ អប់រំឱ្យមនុស្សជឿលើអាទិទេព ហើយមានជំនឿថា ទុក្ខសោក ល្អ
អាក្រក់របស់ខ្លួនបានមកពីអាទិទេពជាអ្នកកំណត់។
ការបញ្ចប់រឿងបែបព្រាហ្មណ៍និយមគឺ តួអង្គតំណាងអាទិទេព (សភាវៈល្អ) មាន ជ័យជម្នះលើ សភាវៈអាក្រក់ (យក្ស គ្រុឌ ...)
