មេរៀនទី៧ (សង្ខេបមេរៀន) ការស្ដាប់៖ ច្បាប់ក្រមង៉ុយ

ការស្ដាប់៖ ច្បាប់ក្រមង៉ុយ

▪️ ប្រភព៖ ដកស្រង់ចេញពីច្បាប់ក្រមង៉ុយ ។
▪️ ចំណងជើង៖ ច្បាប់ល្បើកថ្មី ។
▪️ ប្រភេទ៖ កាព្យឧបទេស ។
▪️ អ្នកនិពន្ធ៖ កវីក្រមង៉ុយ ។
▪️ កាលកំណត់តែង ៖ ១៩២២ ។

     ស្នាដៃផ្សេងៗទៀត៖

- ច្បាប់កេរកាលថ្មី (បទព្រហ្មគីតិ ១៩២២)
- សេចក្ដីរំលឹកដាស់តឿន (បទពាក្យ៧ ១៩៣១)
- ច្បាប់ប្រដៅទូន្មានជនប្រុសស្រី (បទពាក្យ៧ មិនដឹងកាលបរិច្ឆេទ តែអាចក្នុងឆ្នាំ១៩៣៥ ព្រោះជាស្នាដៃទី៥)
- បណ្ដាំក្រមង៉ុយ (បទព្រហ្មគីតិ ១៩៣៥ )

     ពន្យល់ពាក្យ

▪️ សច្ចំ (ន.) សេចក្ដីពិត ទៀងត្រង់ ។
▪️ ឧបេក្ខា (ន.) ការតាំងចិត្តជាកណ្ដាល ។
▪️ លោភោ (ន.) សេចក្ដីជំពាក់ចិត្ត ការលោភលន់ ។
▪️ ទោសា (ន.) ការប្រទូស្ដ កំហឹង ។
▪️ មោហា (ន.) សេចក្ដីវង្វេង ។

១. អត្ថបទកាព្យតែងជាបទកាកគតិ។ តែងដោយកវីក្រមង៉ុយ។

២. រង្វាស់កាព្យ

▪️ ១វគ្គ មាន ៧ឃ្លា
▪️ ១ឃ្លា មាន ៤ព្យាង្គ

៣. រណ្ដំព្យញ្ជនៈ

▪️ «ផ»  ផ្ចិតផ្ចង់
▪️ «ល» លួងលោម
▪️ «ក» កុំ កាត់ កាន់...។

៤. តម្លៃអប់រំ

- ទោះចេះច្បាប់បារាំងក៏ត្រូវប្រកាន់នូវភាពទៀងត្រង់។
- កុំប្រកាន់នូវសេចក្ដីលោភៈ ទោសៈ មោហៈក្នុងខ្លួន។
- កុំប្រមាថមើលងាយអ្នកស្រែ។
- កុំប្រមាថមើលងាយគ្រូដែលខិតខំបង្រៀនយើង។
- ក្នុងនាមជាអ្នកដឹកនាំ ត្រូវមានភាពទន់ភ្លន់ចំពោះរាស្ត្រ។
- កុំឆ្មើងអាងបុណ្យស័ក្ដិ ត្រូវប្រើពាក្យសម្ដីឱ្យសមរម្យ។
- ត្រូវមានការយោគយល់អធ្យាស្រ័យឱ្យគ្នា។