តើចំណងជើងរឿងទុំទាវមានន័យដូចម្ដេច?
ក. ចំណងជើងរឿងទុំទាវ មានន័យថា ជារឿងដែលគេនិយាយពី ឈ្មោះ តួអង្គក្នុងរឿងដែលមានទុំនិងទាវ ជាតួអង្គប្រុសស្រី...។
ខ. សិក្សាពាក្យគន្លឹះ
- អធ្វា (ន) ផ្លូវ ដងផ្លូវ។
- វិតក្ក (ន) សេចក្ដីត្រិះរិះ ការរំពឹងគិត
- ពិដោរ (ន) ក្លិន។
- ប្រស្រ័យ (ន) ការស្រឡាញ់រាប់អាន ការទាក់ទង។
- ហឫទ័យ (ន) ដួងចិត្ត ទឹកចិត្ត។
- បា (ន) ពាក្យសម្រាប់ហៅកូនប្រុស
ឬមនុស្សដែលមានអានុភាពតិចជាងខ្លួនដែល ទុកស្មើកូនប្រុសបង្កើត។
- ប្រណិប័តន៍ (ន) ការសម្ដែងសេចក្ដីគោរព។
- ហត្ថ (ន) ដៃ។
- ព្រះទ័យ (ន) ទឹកចិត្ត។
- ពុទ្ធដីកា (ន) ការសួរ ការនិយាយរបស់ព្រះសង្ឃ
ព្រះបន្ទូលព្រះពុទ្ធ ឬព្រះសង្ឃ។
- ទូល (កិ) ប្រាប់ ឱ្យដំណឹង។
គ. អត្ថបទសង្ខេប
[...] ទុំ និងពេជ្របានបួសរៀននៅវត្តវិហារធំ ចេះជំនាញរៀងៗ ខ្លួន។ ទុំ និងពេជ្របានបង្គំលាគ្រូចៅអធិការវត្តទៅលក់តោកនៅត្បូងឃ្មុំ ។ នៅត្បូងឃ្មុំ ប្រជាជនជាច្រើនបានមកស្ដាប់ទុំទេសនា។ នាង នោជា ភីលៀងបានពោលសរសើរពីសម្រស់ និងសំឡេងរបស់ ទុំ ប្រាប់ ទាវ។ ទាវ បានឱ្យម្ដាយនិមន្តទុំមកទេសនានៅផ្ទះរបស់ខ្លួន។ ពេជ្រ បានណែនាំទុំមុនពេលទៅទេសនានៅផ្ទះទាវ...។
អត្ថបទដកស្រង់រឿងទុំទាវ បានបង្ហាញពីទំនៀមទម្លាប់ប្រពៃណីខ្មែរដូចជា ការសិក្សារៀនសូត្ររបស់យុវជន និងការគោរពព្រះពុទ្ធសាសនា។ អ្នកនិពន្ធបានប្រើវិធីតែង និពន្ធសំខាន់ៗ ដូចជា៖ វិធីផ្ទួន វិធីរណ្ដំ និងការប្រើចំណាប់ជួនជាដើម។ ខ្លឹមសារសំខាន់ៗ មួយចំនួនដែលទាក់ទងនឹងការអប់រំសីលធម៌ព្រះសង្ឃ និងសីលធម៌របស់មនុស្សទូទៅ...។
