ដូចម្ដេចដែលហៅថា ការប្រៀបធៀប ?
ក. និយមន័យ
ការប្រៀបធៀប គឺជាការយករបស់ពីរ វត្ថុពីរ គំនិតពីរ ទស្សនៈពីរយោបល់ពីរ ព្រឹត្តិការណ៍ពីរ រឿងពីរ មកប្រដូចគ្នា។ គោលបំណងកក្នុងការប្រៀបធៀប ដើម្បីរកឱ្យឃើញថា របស់ពីរ វត្ថុពីរ គំនិតពីរ ទស្សនៈពីរយោបល់ពីរ ព្រឹត្តិការណ៍ពីរ រឿងរ៉ាវពីរ នោះថាមាន ចំណុចអ្វីខ្លះដែលដូចគ្នា ចំណុចអ្វីខ្លះដែលខុសគ្នា ដើម្បីវាយតម្លៃថាណាមួយល្អ ណាមួយស្មើគ្នា ដូចគ្នា ប្រហាក់ប្រហែលគ្នា ឬខុសគ្នា និងមានតម្លៃត្រង់ណា។ ការប្រៀបធៀប ចែកចេញជា បី ប្រភេទ។
ខ. ប្រភេទសំនួនប្រៀបធៀប
១. សំនួនប្រៀបធៀបលក្ខណៈដូចគ្នា គេត្រូវប្រើសំនួនដូចជា៖ ក៏, ដែរ, ដូច, នឹង, ស្មើនឹង, ប្រហាក់ប្រហែលនឹង, ដែរ ...។
២. សំនួនប្រៀបធៀបលក្ខណៈខុសគ្នា គេត្រូវប្រើសំនួនដូចជា៖ ផ្ទុយពី, ខុសស្រឡះពី, បែរជា..., ទៅវិញ, ផ្ទុយទៅវិញ, មិនដូច, មិនប្រហាក់ប្រហែលនឹង, ប៉ុន្តែ, មិនស្មើរនឹង ។ល។
៣. ការប្រៀបធៀបទំហៀបផ្ដាច់
ការប្រៀបធៀបទំហៀបផ្ដាច់មានពាក្យដូចជា៖ ជាង, លើសគេ, គ្មានគូប្រៀប, ផ្ដាច់, បំផុត,...។
