សម្របសម្រួល គឺជាការរៀបចំចាត់ចែងសម្រួលនៅក្នុងដំណើរនៃការប្រជុំ ការពិភាក្សា សិក្ខាសាលា ឬពិធីផ្សេងៗ។ ដើម្បីញ៉ាំងឱ្យពិធីប្រព្រឹត្តទៅដោយភាពរលូននិងទទួលបានលទ្ធផលល្អប្រសើរតាមការរំពឹងទុកនោះ គឺទាមទារឱ្យមានអ្នកសម្របសម្រួលប្រកបដោយសមត្ថភាពខ្ពស់។
សមត្ថភាពសម្របសម្រួលទាំងនោះមានដូចជា៖
- ចាត់ចែងកម្មវិធី
- មានចំណេះដឹងទូទៅនិងចំណេះដឹងលើប្រធានបទទូលំទូលាយ
- មានឥរិយាបថសមសួន
- សម្តីសំដៅសមរម្យម៉ត់ចត់
- មានបំណិនក្នុងការសម្របសម្រួល។
បំណិនសម្របសម្រួលមាន៖
ក. ការប្រើពាក្យសម្តី
- សូមអធ្យាស្រ័យ ខ្ញុំបាទ ឬនាងខ្ញុំសូមជួយបន្ថែមត្រង់ចំណុច .....
- ក្នុងនាមជាអ្នកសម្របសម្រួល ខ្ញុំបាទ ឬនាងខ្ញុំសូមរំលឹកថា ប្រធានបទយើងថ្ងៃនេះ .....
- ជាការសមស្របហើយ ! ប្រសិនបើយើង (អស់លោក ...) ធ្វើការពិចារណាតទៅទៀត .....
- មិនថ្វីទេត្រង់ចំណុចនេះ ! ព្រោះបើតាមរបៀបវារៈអង្គប្រជុំនៅថ្ងៃនេះ .....
- តាងនាមឱ្យអ្នកសម្របសម្រួល ខ្ញុំបាទ ឬនាងខ្ញុំសូមឱ្យអង្គពិធី (អង្គប្រជុំ ...) មេត្តាងាកមករកប្រធានបទខាងដើម ហើយសូមសមាជិកឡើងបញ្ចេញយោបល់ .......
- ............................................. ។
ខ. សំនួនយល់ព្រម
- គំនិតនេះពិតជាត្រឹមត្រូវ ..........
- ជាការពិតណាស់ ប្រសិនបើ ..........
- មែនហើយ ការពិតនៅតែជាការពិត ព្រោះ .....
- ខ្ញុំសូមគាំទ្រ ..........
- ត្រឹមត្រូវហើយ ..........
- ............................................. ។
គ. សំនួនមិនយល់ព្រម
- ប្រសើរណាស់ប៉ុន្តែ .......
- យើងគួរពិចារណាលើចំណុចផ្សេងវិញ .......
- តាមគំនិតអស់លោក លោកស្រីលើកខាងលើនេះ សមម្យ៉ាងដែរ តែ .......
- តាមមតិលោក លោកស្រីក៏ត្រឹមត្រូវដែរ តែគំនិតលោក-លោកស្រីខាងនេះច្បាស់លាស់ជាង .......
- ............................................. ។
គឺមានការបែងចែកឱ្យបានសមស្របទៅតាម៖
- ទំហំនៃខ្លឹមសារប្រធានបទ
- កាលវេលានៃការបកស្រាយ
- ការសាកសួរខ្លឹមសារ ឬបន្ថែមលើខ្លឹមសារប្រធានបទ ពីសំណាក់អ្នកចូលរួមស្តាប់
- ............................... ។
គឺជាការប្រមូលខ្លឹមសារកិច្ចពិភាក្សាដោយ៖
- បញ្ចូលគ្នានូវគំនិត ឬទស្សនៈវិជ្ជមានក្នុងប្រធានបទ
- បង្ហាញពីមូលហេតុនៃការទទួលយក ឬមិនទទួលយកគំនិតណាមួយនោះ
- ទាញយកអត្ថន័យសំខាន់ពីកិច្ចពិភាក្សាលើប្រធានបទនោះ (ក្នុងសង្គម សហគមន៍ គ្រួសារ)
- លើកទឹកចិត្តនិងថ្លែងអំណរគុណអ្នកចូលរួមគ្រប់និន្នាការសមាសភាព (ទាំងគំនិតគាំទ្រនិងទាំងគំនិតមិនគាំទ្រ)។