+ គុណនាមប្រក្រតី ជាប្រភេទពាក្យដែលមិនអាចប្រើជាប្រធានឬកម្មបទនៃកិរិយាសព្ទ បានទេ។ គុណនាមប្រក្រតីប្រើសម្រាប់បញ្ជាក់លក្ខណៈឱ្យនាម (ទំហំ បរិមាណ ចម្ងាយ សភាព គុណភាព ...) ហើយមានទីតាំងនៅជាប់ផ្ទាល់ខាងស្ដាំនាម ឬអាចញែកពីនាមដោយប្រើ ពាក្យ «ដ៏» ដើម្បីបង្កើតជាកន្សោមពង្រីក។
+ គុណនាមកំណត់ ប្រើជាប់ផ្ទាល់ពីខាងស្ដាំនាម ដើម្បីចង្អុល (ទីតាំង ពេលវេលា ...) ប្រាប់ ពីចំនួន បញ្ជាក់ភាពមិនច្បាស់និងដើម្បីសួរ។
+ គុណនាមកំណត់មាន៥ គឺ៖
- គុណនាមកម្មសិទ្ធិ គឺបង្ហាញពីម្ចាស់នៃកម្មសិទ្ធិ។
គុណនាមនេះទាក់ទងនឹងសព្វនាមបុរិសៈ ខ្ញុំ ឯង គេ វា គាត់ យើង អ្នក...។
- គុណនាមសំណួរ គឺសម្រាប់សួររកសភាពលក្ខណៈចំនួន... ពិតប្រាកដនៃមនុស្ស សត្វ វត្ថុជាដើម។
- គុណនាមចំនួន គឺបង្ហាញពីចំនួនបរិមាណ និងលំដាប់ ។ គុណនាមចំនួនមានពីរគឺ៖ ចំនួនរៀប និងចំនួនរាប់។
- គុណនាមចង្អុល គឺសម្រាប់ប្រាប់បង្ហាញកំណត់ចង្អុលនៅជិត ឬទីឆ្ងាយក្នុងស្ថានភាពបែបណាមួយ។
- គុណនាមមិនច្បាស់ គឺប្រាប់សេចក្តីមិនជាប់លាក់ មិនប្រាកដ។
