១. ចំណងធ្នាក់៖ គឺជាពាក្យចំណងសម្រាប់ប្រើក្នុងកន្សោមពាក្យ ឬឃ្លាដើម្បីបង្កើត កន្សោមមានធ្នាក់ក្នុងល្បះធ្នាក់មានច្រើនដូចជា៖ ក្នុង ក្រៅ លើ ក្រោម ជាមួយ អំពី ជិត ក្បែរ នៃ របស់ ដើម្បី ពីព្រោះ ដល់ ....។
ទម្រង់កន្សោមមានធ្នាក់ (កមធ)៖
- ធ + នាម
- ធ + សព្វនាម
- ធ + គុណនាម
- ធ + កិរិយាសព្ទ
២. ចំណងឈ្នាប់ ឬឈ្នាប់
ឈ្នាប់ គឺជាពាក្យចងភ្ជាប់ធាតុផ្សេងៗនៅក្នុងល្បះ។ ឈ្នាប់ចែកជាពីរគឺ៖
ក. ឈ្នាប់ចង គឺជាពាក្យចំណងសម្រាប់សម្គាល់ទំនាក់ទំនងរវាងល្បះនិងល្បះ ឬ រវាងធាតុផ្សេងៗក្នុងល្បះ។ ឈ្នាប់ចងមានច្រើនដូចជា៖
+ សម្រាប់សម្គាល់ការបូកគ្នា៖ និង ហើយនិង...
+ សម្រាប់សម្គាល់ការបំបែកគ្នា៖ ឬ ឬក៏ ពុំនោះ ពុំនោះសោត...
+ សម្រាប់សម្គាល់ទំនាស់៖ តែ ប៉ុន្ដែ...
ខ.ឈ្នាប់ឃ្លា គឺពាក្យចំណងសម្រាប់សម្គាល់ទំនាក់ទំនងរវាងឃ្លានិងឃ្លាផង ហើយ និងសម្រាប់បង្កើតឃ្លារណបថែមទៀត។ ឈ្នាប់ឃ្លាមាន៖
+ ឈ្នាប់ឃ្លាប្រើក្នុងឃ្លារណបកម្មបទ ឬគុណប្រធាន៖ ថា ជា
+ ឈ្នាប់ឃ្លាសម្រាប់ប្រើក្នុងឃ្លារណបកម្មទេសកាល៖
▪️ ហេតុ៖ ព្រោះ ពីព្រោះ
▪️ បំណង៖ ដើម្បី ដើម្បីនឹង
▪️ លក្ខខណ្ឌ៖ បើ ប្រសិនបើ
▪️ កាល៖ លុះ កាលណា ដរាបណា ល្គឹកណា
▪️ ទំនាស៖ ទោះបី ថ្វីត្បិតតែ។
