ការសិក្សាអត្ថបទអក្សរសិល្ប៍ ចាំបាច់យើងត្រូវសិក្សាដំបូងពីប្រវត្តិនៃរឿង ដើម្បីដឹងអំពីប្រភពនិងប្រភេទរឿង។ ជាពិសេស ត្រូវស្គាល់ស្នាដៃ កាលកំណត់តែង និងសង្គមបរិយាកាសនៃរឿង។ មានស្នាដៃរឿងខ្លះបានប្រាប់ឈ្មោះអ្នកនិពន្ធ និងកាលបរិច្ឆេទ ឬកាលកំណត់តែងច្បាស់លាស់។ ប៉ុន្តែក៏មានរឿងខ្លះទៀតមិនបានប្រាប់ឈ្មោះអ្នកនិពន្ធ ឬកាលកំណត់តែងឡើយ ដូចជា រឿងព្រេង ជាដើម។
- អ្នកនិពន្ធ គឺជាអ្នកសរសេរ ឬតាក់តែងរឿង។
- កាលកំណត់តែង គឺជាពេលវេលា ថ្ងៃខែឆ្នាំ ដែលអ្នកនិពន្ធបានសរសេរចប់សព្វគ្រប់ហើយ បានបញ្ជាក់នៅក្នុងស្នាដៃរបស់ខ្លួនយ៉ាងពិតប្រាកដ។
- សង្គមបរិយាកាស គឺដំណើររឿងដែលអ្នកនិពន្ធលើកមកបង្ហាញស្ថិតក្នុងសម័យកាលណាមួយ ហើយមានព្រឹត្តិការណ៍សង្គមអ្វីខ្លះនៅក្នុងរឿងដែលគួរកត់សម្គាល់ក្នុងស្នាដៃរបស់ខ្លួន។
