មេរៀនទី១០៖ (សង្ខេបមេរៀន) ការនិយាយ៖ ការបញ្ចេញមតិផ្ទាល់ខ្លួន

        ការបញ្ចេញមតិផ្ទាល់ខ្លួន គឺការផ្ដល់គំនិតយោបល់ដែលមនុស្ស​ម្នាក់ៗយល់ឃើញអ្វីមួយ។ គំនិតទាំងនោះត្រូវមានហេតុផល និងមានអំណះអំណាងច្បាស់លាស់ គាំទ្រ ដើម្បីឱ្យស្ដាប់​អាចជឿបាន។

        ប្រធានបទ៖ ចូរនិយាយបញ្ចេញមតិផ្ទាល់ខ្លួនលើបញ្ហា “ឥទ្ធិពលចម្រៀងរបាំបរទេសនៅកម្ពុជា” ដែលមានផលវិជ្ជមាន និងអវិជ្ជមាន។

គម្រោងសម្រាប់និយាយ

   ◆ ទិដ្ឋភាពទូទៅ៖ ឥទ្ធិពលចម្រៀងរបាំបរទេសគ្របដណ្តប់មកលើចម្រៀងរបាំខ្មែរ
        ◾ ចម្រៀងរបាំកូរ៉េ
        ◾ ចម្រៀងរបាំអាមេរិក
        ◾ ចម្រៀងរបាំចិន ចម្រៀងរបាំថៃ ...

   ◆ ការផ្សព្វផ្សាយចម្រៀងរបាំរបរទេសតាមរយៈវីដេអូ ខារ៉ាអូខេ កាសែត ទូរទស្សន៍...យ៉ាងទូលំទូលាយពេញប្រទេស។ ស្ថានភាពចម្រៀងរបាំដែលសិល្បករខ្មែរយកមកកែច្នៃ៖
        ◾ ពេលខ្លះច្រៀងតែមិនរាំ ខ្លឹមសារចម្រៀងប្រែជាភាសាខ្មែរ
        ◾ ភាគច្រើនមានចម្រៀងមានរំលាយចម្រុះគ្នា (យកលំនាំតាមទាំងខ្លឹមសារ និងការរាំ)
        ◾ ចម្រៀងខ្លះត្រូវបានគេយកខ្លឹមសារបរទេស កាយវិការបរទេស
        ◾ ចម្រៀងកាយវិការខ្លះមានលក្ខណៈខ្មែរនីយកម្ម (ធ្វើឱ្យទៅជាលក្ខណៈខ្មែរ)

   ◆ ការសន្និដ្ឋាន
        ◾ សម័យទំនើបប្រព័ន្ធផ្សព្វផ្សាយ ក៏ទំនើបការទទួលក៏ឆាប់រហ័សព្រោះអ្វីដែលថ្មីគឺជាចំណូលចិត្តរបស់យុវវ័យហើយ ក៏ឆាប់យកមកប្រតិបត្តិក្នុងសកម្មភាពប្រចាំថ្ងៃ ។
        ◾ យើងអាចទទួលយកនូវអ្វីដែលថ្មីដូចជាសិល្បៈចម្រៀងរបាំនេះប៉ុន្តែយើងមានការច្នៃប្រឌិតឱ្យមកជាលក្ខណៈខ្មែរទាំងលំនាំរាំច្រៀងការតុបតែងខ្លួនការស្លៀកពាក់ឱ្យសក្តិសមតាមទំនៀមទម្លាប់ខ្មែរ។
        ◾ យើងគួរយក (ចម្លង) សិល្បៈចម្រៀងរបាំពីបរទេសមកច្នៃឱ្យមានលំនាំបរទេសតែមានលក្ខណៈជាតិខ្មែរដើម្បីចូលក្នុងរង្វង់សិល្បៈបរទេសបានជោគជ័យ។
        ◾ យើងមិនគប្បីដើម្បីអភិរក្សលុបចោលការអភិវឌ្ឍ ហើយមិនគួរអភិវឌ្ឍលុបបំបាត់ការអភិរក្សនោះទេ យើងគប្បីធ្វើឱ្យមានការអភិរក្សផង និងអភិវឌ្ឍផងដើម្បីជោគជ័យសម្រាប់ប្រទេសជាតិផង និងមានមុខមាត់ក្នុងសកលលោកផង។
        ◾ ដើម្បីចៀសវាងផលប៉ះពាល់ជាយថាហេតុ គណៈកម្មការត្រួតពិនិត្យការនាំចូលផលិតកម្មសិល្បៈចម្រៀងជាពិសេស អ្នកនិពន្ធកវីជាតិយើងគួរជួយកាត់បន្ថយចំណុចអសកម្មឱ្យអស់លទ្ធភាពចៀសវាងការបំពុលយុវជនខ្មែរ។ ម្យ៉ាងទៀត យុវវ័យត្រូវទទួលយកអ្វីដែលមានការរីកចម្រើនដែលលើកតម្លៃប្រទេសជាតិ។