ការឃោសនាបញ្ចុះបញ្ចូលត្រូវបានគេធ្វើឡើងតាមរយៈ វិទ្យុ ទូរស្សន៍ កាសែត ទស្សនាវដ្តី ខិត្តបណ្ណបដាជាដើម ។ សារឃោសនាបញ្ចុះបញ្ចូលទាំងនោះ ច្រើនទាក់ទងទៅនឹងការផ្សព្វផ្សាយពាណិជ្ជកម្មផលិតផល ការឃោសនានយោបាយ ការផ្សព្វផ្សាយអប់រំសុខភាពជាដើម ។ គោលបំណងនៃការឃោសនា គឺអូសទាញ ឬបញ្ចុះបញ្ចូល ដោយធ្វើយ៉ាងណាទាក់ទាញអតិថិជន ឬអូសទាយប្រជាពលរដ្ឋឱ្យគាំទ្រផលិតផល ឬក៏គណបក្សនយោបាយរបស់ខ្លួន ។ ដូច្នេះដើម្បីឃោសនាបញ្ចុះបញ្ចូលឱ្យមានប្រសិទ្ធិភាព ឃោសនិកគប្បីគិតទៅដល់ចំណុចសំខាន់ៗដូចជា ការប្រើប្រាស់មធ្យោបាយ និងការប្រើប្រាស់សំនួនវោហារសព្ទឱ្យបានល្អៗ ដើម្បីទាក់ទាញអារម្មណ៍ និងទឹកចិត្តឱ្យគេគាំទ្រខ្លួន ។
