ខ្មែរយើងនិយមសម្តែង ល្ខោនបាសាក់
ល្ខោននិយាយ ល្ខោនយីកេ ល្ខោនខោល
ល្ខោនស្បែកធំ ។ល។
ល្ខោន គឺជាសិល្បៈមួយប្រភេទដែលគេយកទៅសម្តែងលើឆាកតាមរយៈកាយវិការ របស់តួអង្គនីមួយៗនៅពីមុខទស្សនិកជន។ដើម្បីសម្តែងល្ខោនបានល្អគេត្រូវរៀបចំជាឈុត ឆាកឱ្យបានត្រឹមត្រូវ។
- អ្នកដឹកនាំសម្ដែង
ត្រូវចេះជួយកែលម្អចំណុចខ្វះខាតរបស់តួសម្ដែង និងចាត់ចែងបញ្ចេញ
តួសម្ដែងទៅតាមឈុត ឬឆាកនីមួយៗ ។
-
គេត្រូវរៀបចំសាច់រឿង ជាឈុត
ឆាកឱ្យបានត្រឹមត្រូវ ។
-
ត្រៀមសម្ភារៈសម្រាប់ប្រើប្រាស់ពេលសម្ដែងដូចជា
៖ ដាវ កាំបិត លំពែង ដំបង
សម្លៀកបំពាក់
ជាដើមឱ្យបានសមស្របតាមកាលអាកាសរឿង ។
- ឱ្យតួអង្គនីមួយៗ ទន្ទេញពាក្យសម្ដែង ដែលខ្លួនត្រូវនិយាយ
និងច្រៀងចម្រៀងឱ្យបានចាំស្ទាត់ មុនពេលសម្ដែង ។
- រៀបចំតុបតែងខ្លួនមុខមាត់ រាងកាយ
សម្លៀកបំពាក់ អាវុទ្ធឱ្យស្របតាមលក្ខណៈតួអង្គនីមួយៗ និងកាលអាកាសនៃរឿង ។
- ឱ្យតួអង្គនីមួយៗចងចាំពេលវេលា
ក្នុងឆាកដែលត្រូវចេញមកសម្ដែង និងត្រូវត្រឡប់ទៅវិញ ។
-
ឱ្យតួអង្គហ្វឹកហាត់
ធ្វើកាយវិការឱ្យបានសមស្របតាមលក្ខណៈល្ខោន និងតាមស្ថានភាព
រឿង ។
ក្នុងការសម្ដែង គេត្រូវជ្រើសរើសឆាកធំទូលាយ និងរៀបចំតុបតែងឆាកឱ្យបានស្អាត សមស្របតាមស្ថានភាពសាច់រឿង គប្បីប្រើប្រាស់ផ្ទាំងរូបភាព និងវត្ថុខ្លះៗដើម្បីឱ្យការសម្តែងមើលទៅហាក់ដូចជាស្ថិតនៅទីកន្លែង និងសម័យកាលមួយជាក់លាក់ ។ ការរៀបចំតុបតែងឆាកសម្ដែងគប្បីផ្លាស់ប្ដូរទៅតាមស្ថានភាពជាក់ស្ដែងនៃទីកន្លែងក្នុងរឿង ។
-
គេត្រូវរៀបចំតួអង្គនីមួយៗ ដោយត្រូវតុបតែង និងប្រើប្រាស់សម្ភារៈ
ព្រមទាំងចេញសម្ដែងលើឆាកតាមពេលវេលាដែលបានកំណត់នៅក្នុងឆាកនីមួយៗ ។
-
តួអង្គនីមួយៗត្រូវនិយាយ សន្ទនា ច្រៀង
ដោយធ្វើកាយវិការឱ្យបានសមស្រប ។
