មេរៀនទី៥៖ (សង្ខេបមេរៀន) អំណានទី ២ ៖ ការពិតក្នុងរបបកម្ពុជាប្រជាធិបតេយ្យ

ក. ប្រភពនៃអត្ថបទដកស្រង់ “ការពិតក្នុងរបបកម្ពុជាប្រជាធិបតេយ្យ”។
ខ. ទុក្ខលំបាករបស់ប្រជាជនខ្មែរនាសម័យខ្មែរក្រហម៖
-    ការធ្វើការហួសកម្លាំង
-    ការបង្អត់អាហារ
-    ការបិទសិទ្ធិសេរីភាព
-    លុបបំបាត់សាសនា
-    លុបបំបាត់ផ្សារ...។
គ. សង្ខេបអត្ថបទ
        ក្នុងរបបកម្ពុជាប្រជាធិបតេយ្យ ប្រជាជនទូទាំងប្រទេសរស់រងកម្មដោយការកាប់សម្លាប់ ដាក់គុក ដាក់ច្រវាក់ បង្ខំឱ្យធ្វើការទាំងយប់ទាំងថ្ងៃ។រស់នៅជាសមូហភាព ធ្វើការធ្ងន់ បង្អត់អាហារ បំបាត់សិទ្ធិសេរីភាព ដកហូតកម្មសិទ្ធិឯកជន។
        ប្រជាជនត្រូតែគោរពអង្គការ ចាត់ទុកអង្គការជាអ្នកមានគុណ មហាលោតផ្លោះ មហាអស្ចារ្យ ។ អង្គការបង្ខំឱ្យរើរុះផ្ទះ សាលារៀន ដុតផ្សារបំផ្លាញវត្តអារាម និងទ្រព្យសម្បត្តិជាតិ ។ ទំនាក់ទំនងក្នុងគ្រួសារត្រូវកាត់ផ្ដាច់លែងស្គាល់ម្ដាយឪពុក លែងស្គាល់បងប្អូន ។ អាពាហ៍ពិពាហ៍គឺអង្គការជាអ្នករៀបចំឱ្យ បើប្រកែកគឺចោទថាខ្មាំង និងត្រូវយកទៅ សម្លាប់ ។
ឃ. អ្នកនិពន្ធ
-     អ្នកនិពន្ធគឺ លោក ជួន ម៉េន ។
ង. សង្គមបរិយាកាស
        សង្គមនាសម័យខ្មែរក្រហមមានដូចជា ការកាប់សម្លាប់ ដាក់គុក ដាក់ច្រវាក់ បង្ខំឱ្យធ្វើការទាំងយប់ទាំងថ្ងៃ រស់នៅជាសមូហភាព បង្អត់អាហារ បំបាត់សិទ្ធិសេរីភាព ដកហូតកម្មសិទ្ធិឯកជន ការបង្ខំឱ្យរើរុះផ្ទះ សាលារៀន ដុតផ្សារបំផ្លាញវត្តអារាម និងទ្រព្យសម្បត្តិជាតិ លែងស្គាល់ម្ដាយឪពុកលែងស្គាល់បងប្អូនអាពាហ៍ពិពាហ៍រៀប
ចំដោយអង្គការ។