មេរៀនទី៦៖ (សង្ខេបមេរៀន) សំណេរ ៖ តែងសេចក្តីប្រៀបធៀប

-    លំនាំបញ្ហា ៖ ជាការពង្រីកគំនិត យោបល់ដែលជាលំនាំដើម ឬជាស្ថានភាពដើមមានន័យផ្សារភ្ជាប់ទៅនឹងគំនិត ឬខ្លឹមសាររបស់ប្រធាន ។
-    ចំណូលបញ្ហា(បង្ហាញប្រធាន) ៖ ចំណូលមតិប្រធាន និងមានឃ្លាភ្ជាប់(ឧទាហរណ៍៖អាស្រ័យហេតុនេះទើបមានប្រធានតម្រូវឱ្យយើងប្រៀបធៀប...)
-    ចំណោទបញ្ហា ៖ ចោទតាមបែបប្រធានប្រៀបធៀប
ឧទាហរណ៍ ៖ តើ...ទាំងពីរនេះមានលក្ខណៈដូចគ្នា និងខុសគ្នាត្រង់ណាខ្លះ ?
† ចំណុចគួរចៀសវាង
ក្នុងចំណោទបញ្ហានេះ អ្នកធ្វើតែងសេចក្តីចៀសវាងការចោទសួរច្រាសមកវិញនាំឱ្យចាកប្រធាន ឬប្រើពាក្យបង្គាប់បញ្ជាឡើយ ។ ឧទាហរណ៍ ៖
+    តើអ្នកយល់ដូចម្តេច ? ចូរប្រៀបធៀបមតិទាំងពីរ ?
+    តើប្រធានមានន័យខ្លឹមសារយ៉ាងណា ? ចូរប្រៀបធៀប ?

២. តួសេចក្តី

-    ឃ្លាភ្ជាប់សេចក្តី ៖ ឃ្លាសម្រាប់ជាកិច្ចផ្តើម ដើម្បីភ្ជាប់ពីសេចក្តីផ្តើមទៅនឹងការពន្យល់ពាក្យ ឬកន្សោមពាក្យគន្លឹះក្នុងប្រធាន ។
-    ពន្យល់ពាក្យគន្លឹះ ៖ ត្រូវស្រង់យកពាក្យ កន្សោមគន្លឹះ ឬឃ្លាដែលជាគន្លឹះនៃប្រធានមកពន្យល់បង្ហាញ ដោយមិនត្រូវគូសត្រេ ឬប្រាប់ថ្នាក់ពាក្យ ដូចពន្យល់ពាក្យធម្មតានោះទេ ហើយក៏មិនត្រូវពន្យល់តាមន័យធម្មតានោះដែរ គឺអាស្រ័យនឹងបរិបទនៃប្រធាន ។
-    ពន្យល់ប្រធាន ៖ ជាការបញ្ចូលគ្នាឡើងវិញនូវន័យរបស់ពាក្យ ឬកន្សោមពាក្យគន្លឹះតាមន័យប្រធានខាងលើឱ្យបានសមស្របតាមបែបប្រធានប្រៀបធៀប ។
-    បកស្រាយប្រធាន ៖ ចំណុចនេះ អ្នកធ្វើតែងសេចក្តីត្រូវប្រៀបធៀបទៅតាមចំណោទរបស់ប្រធាន ឬបំណងរបស់ប្រធានចង់ដឹង ដោយភ្ជាប់នឹងអំណះអំណាង ឬឧទាហរណ៍បញ្ជាក់ច្បាស់លាស់ ។

ក. លក្ខណៈដូចគ្នា ៖ អ្នកសរសេរត្រូវបង្ហាញលក្ខណៈដូចគ្នា ឬប្រហាក់ប្រហែលគ្នា ឱ្យអស់គំនិតដោយដាក់ជារួម ទើបលើកឧទាហរណ៍ម្តងមួយមកបញ្ជាក់ ។
-    សរុបលក្ខណៈដូច ៖ ជាការសរុបឡើងវិញនូវលក្ខណៈដូចគ្នាដែលបានបង្ហាញរួចហើយ ។ ឧទាហរណ៍ ៖ សរុបសេចក្តីមកចំណុចខាងលើនេះ ជាលក្ខណៈដូចគ្នានៃ...។

ខ. លក្ខណៈខុសគ្នា ៖ អ្នកសរសេរត្រូវបង្ហាញនូវចំណុចខុសគ្នាដោយលើកយកម្តងមួយៗ ហើយភ្ជាប់ឧទាហរណ៍តែម្តង ។ 
ឧទាហរណ៍ ៖
   +   សកម្មភាព ឬតួអង្គ “ក” ទាំងគំនិតសំខាន់ និងឧទាហរណ៍ឱ្យពិស្តារ ។
   +    សកម្មភាព ឬតួអង្គ “ក” ទាំងគំនិតសំខាន់ និងឧទាហរណ៍ឱ្យពិស្តារ ។
-    សរុបលក្ខណៈខុស ជាការសរុបឡើងវិញនូវចំណុចខុសគ្នាដែលបានបង្ហាញរួចហើយ ។
ឧទាហរណ៍ ៖ សរុបសេចក្តីមកចំណុចខាងលើនេះ ជាលក្ខណៈខុសគ្នានៃ...។

គ. សរុបរួម ៖ ជាការសរុបឡើងវិញនូវលក្ខណៈដូចគ្នា និងខុសគ្នាពីក្នុងបំណកស្រាយខាងលើ និងទាញរកចំណុចពិសេសដោយឡែក ឬទំហៀបផ្តាច់របស់ផ្នែកណាមួយ ដោយមិនលើកអំណះអំណាងមកបញ្ជាក់ទេ ។ ឧទាហរណ៍ ៖ រួម សេចក្តីមក...ទាំងពីរមានលក្ខណៈដូចគ្នាគឺ...។ ឯលក្ខណៈខុសគ្នាគឺ...។

៣. បញ្ចប់សេចក្តី

-    វាយតម្លៃប្រធាន ៖ ទស្សនៈប្រធានដែលឱ្យប្រៀបធៀបមានខ្លឹមសារល្អដោយបានបង្ហាញ...ទន្ទឹមនោះយើងអាចសនិ្នដ្ឋានបានថា...។
-     មតិផ្ទាល់ខ្លួន ៖ ជាចំណាប់អារម្មណ៍ផ្ទាល់ខ្លួនរបស់អ្នកសរសេរតែងសេចក្តី ចំពោះអង្គទំហៀប និងយោបល់ផ្ទាល់ខ្លួនតាមរយៈការប្រៀបធៀបខាងលើ ។