ការបញ្ចេញមតិ គឺជាការនិយាយ សម្តែង ឬបង្ហាញឃើញនូវគំនិតយោបល់
ឬទស្សនៈរបស់មនុស្សម្នាក់ៗ ចំពោះទង្វើសកម្មភាព រឿងរ៉ាវ មតិយោបល់...របស់អ្នកដទៃតាមរយៈពាក្យសម្តី ឬសំណេរ ។
នៅពេលអ្នកបញ្ចេញមតិ អ្នកត្រូវអនុវត្តទៅតាមគម្រោងខាងក្រោម
ក.សេចក្តីផ្តើម
យោបល់ទូទៅទាក់ទងនឹងប្រធានបទ ។
ខ.តួសេចក្តី
- បង្ហាញគំនិតផ្ទាល់ខ្លួនក្នុងការគាំទ្រ
ឬជំទាស់ទៅនឹងគំនិតរបស់ប្រធានបទ
- បង្ហាញអំណះអំណាងដើម្បីគាំទ្រមតិរបស់ខ្លួន
- សរុបមតិ
ឬគំនិតរបស់ខ្លួនឡើងវិញ ដោយប្រកាន់ជំហរច្បាស់លាស់ ។
គ.សេចក្តីបញ្ចប់
- វាយតម្លៃគំនិតរបស់ប្រធានបទ
-
ចំណាប់អារម្មណ៍ផ្ទាល់ខ្លួនចំពោះប្រធានបទ ។
នៅពេលអ្នកចង់បញ្ចេញមតិបង្ហាញពីគំនិត ឬការយល់ឃើញរបស់ខ្លួនអ្នកគប្បី
៖
- សុំការអនុញ្ញាតបញ្ចេញមតិ
- រង់ចាំដល់វេនរបស់ខ្លួន
- យកចិត្តទុកដាក់ស្តាប់យោបល់អ្នកដទៃនៅចន្លោះពេលរង់ចាំវេនរបស់ខ្លួន
- ប្រើសម្តីសមរម្យគ្រប់ស្ថានភាព(គាំទ្រ
ឬជំទាស់...)
- ផ្តល់យោបល់ក្នុងន័យស្ថាបនា
អភិវឌ្ឍន៍ និងសាមគ្គីភាព ។
