ការនិយាយបញ្ចេញមតិវាយតម្លៃទៅលើអ្វីមួយ គឺជាការបង្ហាញឱ្យឃើញពីគំនិត យោបល់ ការយល់ឃើញរបស់បុគ្គលម្នាក់ៗ ដើម្បីវិនិច្ឆ័យរកចំណុចសកម្ម ឬអសកម្មនៃបញ្ហា អំពើ សកម្មភាព មតិ យោបល់ គំនិតផ្សេងៗ ។ មួយវិញទៀត ការបញ្ចេញមតិវាយតម្លៃទៅលើតួអង្គ ក្នុងរឿងណាមួយមានសារៈសំខាន់ណាស់ចំពោះអ្នកសិក្សា ព្រោះវាបានផ្តល់ចំណុចសកម្មដែលជាបទពិសោធសម្រាប់ជីវិតទាំងអតីកាល បច្ចុប្បន្នកាល និងអនាគតកាល ។
+ពេលនិយាយបញ្ចេញមតិវាយតម្លៃតួអង្គក្នុងរឿង
គេត្រូវអនុវត្តគោលការណ៍ ដូចជា ៖
- កំណត់ស្នាដៃ ឬរឿងដែលត្រូវលើកយកមកសិក្សា ។
- ត្រូវសិក្សាខ្លឹមសារលម្អិតនៃរឿង ។
- ស្វែងយល់ពីសកម្មភាពតួអង្គ ដែលត្រូវលើកយកមកសិក្សា ។
- ញែកគុណសម្បត្តិ និងគុណវិបត្តិតួអង្គ ។
+ដើម្បីជំរុញឱ្យការបញ្ចេញមតិវាយតម្លៃតួអង្គក្នុងរឿងមួយកាន់តែប្រសើរថែមទៀត
ដូចជា ៖
- ស្វែងយល់សាច់រឿងឱ្យបានច្បាស់លាស់ ។
- ផ្អែកលើសកម្មភាពតួអង្គជាមធ្យោបាយសំខាន់ ។
- ឈរលើឥរិយាបថជាអ្នកវិភាគត្រឹមត្រូវឥតលម្អៀង ។
- ប្រើសំនួនពាក្យ តាមយោបល់ខ្ញុំ
,ខ្ញុំគិតថា,និយាយអីចឹង ក៏ត្រូវម្យ៉ាងដែរ,តែខ្ញុំគិតថា,ត្រឹមត្រូវហើយ
- ខ្ញុំគាំទ្រគំនិត,ព្រោះថាបើតាមគំនិតខ្ញុំ ខ្ញុំយល់ថា...។