ការទទួលស្គាល់ការពិត គឺជាការទទួលស្គាល់នូវរឿងរ៉ាវ ហេតុការណ៍ ឬអ្វីៗដែលកើតមានឡើងប្រាកដជាក់ស្តែង ទោះជារឿងរ៉ាវហេតុការណ៍ទាំងនោះកើតឡើងពីអតីតកាល ឬក៏បច្ចុប្បន្នកាលក្តី។ គេមិនអាចបិទបាំង ឬគេចវេះពីការពិតបានជារៀងរហូតនោះទេ។ ដូចនេះយើងត្រូវតែទទួលយកការពិត ឬក៏ហ៊ានប្រឈមនឹងការពិត ដើម្បីជាបទពិសោធន៍សម្រាប់បច្ចុប្បន្ន និងអនាគត។
|
ខ្លឹមសារ |
បង្ហាញពីដំណើរជីវិតដ៏ជូរចត់របស់នាងមាលា |
|
តួអង្គ |
មាលា ចំរ៉ុង ភូរិន្ទ |
|
ទីកន្លែង |
ប្រព្រឹត្តិនៅក្នុងសង្គមខ្មែរនាសម័យបុរាណ |
|
ដំណើររឿង |
- ក្រោយពីជួបគ្រោះថ្នាក់ក្នុងការធ្វើដំណើរតាមសំពៅហើយមិនស្លាប់។ ភូរិន្ទបានវិលត្រឡប់មកឧត្តរបុរីវិញ គេក៏នាំដំណឹងនេះមកប្រាប់មាលាថា ប្តីនាងឈ្មោះចំរ៉ុងនិងអ្នកដែលបានធ្វើដំណើរក្នុងសំពៅទាំងប៉ុន្មានស្លាប់អស់ទៅហើយ។ - ដោយអស់សង្ឃឹមនិងដោយបានជួយទំនុកបម្រុងសព្វបែបយ៉ាងពីភូរិន្ទ មាលាក៏សម្រេចចិត្តរៀបការជាមួយភូរិន្ទដែលត្រូវជាមិត្តភក្កិប្ដីនាងរហូតមានគភ៌ប្រាំខែ។ ថ្ងៃមួយស្រាប់តែលេចមុខចំរុងវិលត្រលប់មកវិញ ហើយនិយាយរឿងរ៉ាវទាំងអស់ដែលរូបគេជួបប្រទះនៅពេលលិចសំពៅនោះឱ្យនាងមាលាស្ដាប់។ - បន្ទាប់មកចំរុងដឹងថា មាលានិងភូរិន្ទជាប្ដីប្រពន្ធនឹងគ្នា ក៏មានការខឹងសម្បារយ៉ាងខ្លាំង ឈានចូលដល់ការប្រយុទ្ធគ្នាជាមួយភូរិន្ទដោយកម្លាំងបាយថែមទៀត។ |
