សំណេរ៖ សំយោគ
ដូចម្ដេចដែលហៅថាការសំយោគ?
១. និយមន័យ
ការសំយោគ ជាការប្រមូលផ្ដុំគំនិត ព័ត៌មាន ឬព្រឹត្តិការណ៍សំខាន់ៗដែលមាននៅក្នុង របាយការណ៍ ឬអត្ថបទ។ ការសំយោគ ត្រូវធ្វើឡើងសម្រាប់តែអត្ថបទ ឬគំនិតទាំងឡាយណាដែល ស្ថិតក្នុងប្រធានបទរួមតែមួយប៉ុណ្ណោះ។
២. គម្រោងតែងសំណេរសំយោគមតិ
ក. សេចក្ដីផ្ដើម
រកគំនិតដើម្បីសរសេរ ជាចំណុចសំខាន់ដែលទាក់ទងនឹងការបង្ហាញទូទៅ “ដើមកំណើតជនជាតិខ្មែរ” ជាពិសេសប្រភពកំណើត ជនជាតិខ្មែរ ដែលធ្លាប់បានសិក្សារួចមកហើយ ។
ខ. តួសេចក្ដី
ឃ្លាភ្ជាប់សេចក្ដី៖
- រកគំនិតសំខាន់ៗ
មកសរសេរបង្ហាញ ឱ្យទាក់ទងនឹងយោបល់របស់ក្រុមទី១ និងលើក អំណះអំណាងមកបញ្ជាក់។
- រកគំនិតសំខាន់ៗ មកសរសេរបង្ហាញ
ឱ្យទាក់ទងនឹងយោបល់របស់ក្រុមទី២ និងអំណះអំណាង។
- ប្រមូលគំនិតដែលរកឃើញ
ក្នុងយោបល់ទី១ និងទី២ មកផ្សំបញ្ចូលគ្នា រកគំនិតនិងចំណុច ឬលក្ខណៈរួមតែមួយដូចគ្នា។
- សំយោគគំនិត
និងសន្និដ្ឋាន លើភាពសមហេតុផល ឬមតិយោបល់ដែលត្រឹមត្រូវជាងគេ
ក្នុងចំណោមយោបល់ទាំងពីរខាងលើ ហើយធ្វើការវាយតម្លៃទៅលើភាពសមហេតុសមផល ភាពត្រឹមត្រូវ
ដោយផ្អែកតាមគំនិតសំខាន់ៗនៃអត្ថបទដែលបានរកឃើញ។
គ. សេចក្ដីបញ្ចប់
- បញ្ចេញមតិយោបល់ ឬទស្សនៈផ្ទាល់ខ្លួន ចំពោះមតិរបស់ប្រធានដែលបានលើកឡើង
ទៅលើយោបល់ទាំងពីរ ដែលទាក់ទងនឹងបញ្ហា ដើមកំណើតជនជាតិខ្មែរ។
- ត្រូវវាយតម្លៃទៅលើយោបល់ និងការធ្វើសំយោគរបស់ប្រធាន។
