រូបភាពទី១៖ មានរូបចម្លាក់នៅលើជញ្ជាំងប្រសាទមួយដែលមានក្បូរក្បាច់រចនាល្អវិចិត្រមានមនុស្សកាន់លំពែង ដាវ អង់អាចក្លាហាន ការពារពីការឈ្លានពានរបស់សត្រូវ។
រូបភាពទី១
រូបភាពទី២៖ បង្ហាញពីចម្លាក់អប្សរាដ៏ល្អឯក ដែលមានក្បាច់រចនាមើលទៅគួរឱ្យកោតសរសើរពីទឹកដៃ នៃការឆ្លាក់ដ៏ប៉ិនប្រសព្វរបស់បុព្វបុរសខ្មែរ។
រូបភាពទី២
- វប្បធម៌៖ ការផ្សាំបណ្តុះបណ្តាលចំណេះវិជ្ជាឱ្យបានលូតលាស់រីកចម្រើន ។
- សន្តិភាព៖ ភាពសុខសាន្ត ភាពស្ងប់ស្ងាត់ ភាពសាន្តត្រាណ ។
- វឌ្ឍនភាព៖ សេចក្តីរីកចម្រើនលូតលាស់។
- សមិទ្ធផល៖ ផលប្រយោជន៍ដែលបានសម្រេចហើយ។
- ទស្សនវិស័យ៖ ដំណើរគំនិតដែលយល់ឃើញ
- សច្ចៈ៖
សេចក្តីពិត ដំណើរទៀង ទៀងទាត់
- អរិយធម៌៖ ធម៌ដែលនាំឱ្យកើតសេចក្តីសុខចម្រើន ។
- យុត្តិធម៌៖ សេចក្តីទៀងទាត់ មិនលម្អៀង។
- ស្ថាបត្យកម្ម៖ ការសាងសង់ ឬស្ថាបនា។
- ដកស្រង់
និងកែសម្រួលទស្សនាវដ្តីសម្រាប់គ្រូស្តីពីសិទ្ធិមនុស្ស ប្រជាធិបតេយ្យ និងអហិង្សា។
- លេខ ០៧-០៨ ។
+ បណ្ឌិតចាស់ទុំ វប្បធម៌វិទូបានទូន្មានពីបញ្ហាវប្បធម៌ថា៖
- យើងត្រូវខិតខំស្វែងយល់ សិក្សារៀនសូត្រពីសារៈសំខាន់
និងកំណើតរបស់វប្បធម៌។
- ត្រូវខិតខំការពារមរតកវប្បធម៌ ព្រោះវប្បធម៌ជាព្រលឹងរបស់ជាតិ។
- តាមន័យទូទៅវប្បធម៌គឺជា សមិទ្ធផលនៃជ័យជម្នះដោយបញ្ញា ពលកម្ម ហត្ថពលកម្មរបស់មនុស្សលើធម្មជា តិលើអវិជ្ជា លើភាពអន្ធការ។
- វប្បធម៌ក៏មានតួនាទីចង្អុលទិស
បណ្តុះបណ្តាលអប់រំចំណេះដឹង និងបញ្ញាសា្មរតី
ដើម្បីសេចក្តីសុខចម្រើនខាងផ្លូវចិត្តគំនិត និងឧត្តមគតិប្រសើរខ្ពង់ខ្ពស់របស់មនុស្ស។
- វប្បធម៌ក៏មានតួនាទីកែច្នៃមនុស្ស ឱ្យមានកិរិយាមារយាទល្អប្រសើរ
មានរបៀបរស់នៅថ្លៃថ្នូរ មានច្បាប់ទម្លាប់ត្រឹមត្រូវ មានសច្ចៈ។
- បើគេទស្សនាសិល្បៈខ្មែរដូចជា របាំក្បាច់បុរាណខ្មែរ ស្ថាបត្យកម្ម គំនូរ
ល្ខោន តន្ត្រី គេត្រូវពិចារណាទើបយប់ពីខ្លឹមសាពិតរបស់វា។
តាមអត្ថបទដកស្រង់នេះ វប្បធម៌ជាសមិទ្ធផលនៃជ័យជម្នះដោយបញ្ញា ពលកម្ម ហត្ថកម្មរបស់មនុស្ស លើធម្មជាតិ អវិជ្ជា និងលើភាពអន្ធការ។ វប្បធម៌ មានតួនាទី ចង្អុលទិស បណ្ដុះបណ្ដាលអប់រំចំណេះដឹង និងបញ្ញាស្មារតី ដើម្បីសេចក្ដីចម្រើនខាងផ្លូវគំនិត និងឧត្តមគតិប្រសើរខ្ពង់ខ្ពស់របស់មនុស្ស។ វប្បធម៌ ជួយកែច្នៃមនុស្សឱ្យមានកិរិយាមារយាទល្អប្រសើរ មានរបៀបរស់នៅថ្លៃថ្នូរ មានច្បាប់ទម្លាប់ត្រឹមត្រូវ មានយុត្តិធម៌ និងសេចក្ដីសុខសន្តិភាព ។ មែកធាងរបស់អរិយធម៌ មានពីរគឺ វប្បធម៌ និងសង្គមធម៌។