មេរៀនទី៨៖ (សង្ខេបមេរៀន) សំណេរ ៖ តែងសេចក្តីបែបពិភាក្សា

     តែងសេចក្តីបែបពិភាក្សា តម្រូវឱ្យអ្នកធ្វើតែងសេចក្តីម្តងនិយាយស្របតាមប្រធាន ម្តងនិយាយផ្ទុយជំនាស់នឹងប្រធាន ។
     ដូចនេះតែងសេចក្តីពិភាក្សា គឺជាប្រភេទតែងសេចក្តីមួយបែបដែលតម្រូវឱ្យយើងថ្លឹងថ្លែងពិចារណាលើមតិប្រធាន ដែលក្នុងនោះមាន ៖
 o    មតិស្រប គឺជាមតិដែលយើងពន្យល់ស្របតាមមតិប្រធាន ។
 o    មតិផ្ទុយ គឺជាមតិដែលពន្យល់ជំទាស់ ឬប្រឆាំងនឹងមតិប្រធាន ។
 o    ការពិភាក្សា គឺជាការថ្លឹងថ្លែងវិនិច្ឆ័យរវាងមតិស្រប និងមតិផ្ទុយ ដើម្បីប្រមើលមើលរកចំណុចរួមនិងចំណុចសមហេតុផលនៃមតិនីមួយៗ ។
 o     ការសំយោគ គឺជាការផ្សំមតិរួមគ្នា ឬបំពេញគ្នាទៅវិញទៅមករវាងមតិស្របនិងមតិផ្ទុយ ។

I. សេចក្ដីផ្ដើម

 o    លំនាំបញ្ហា ៖ ត្រូវផ្ដើមគំនិតនិយាយពីអ្វីដែលជាប់ទាក់ទងទៅនឹងប្រធាន ។
 o    ចំណូលបញ្ហា ៖ ត្រូវលើកយកបញ្ហារបស់ប្រធានមកបង្ហាញ ។
 o    ចំណោទបញ្ហា ៖ ត្រូវលើកបញ្ហារបស់ប្រធានមកចោទសួរតាមបែបពិភាក្សា៖
 +    បើប្រធានមានមតិតែមួយត្រូវចោទសួរថា " មតិនេះត្រូវ ឬទេ  ?  មតិនេះត្រូវឬខុស ? ” ។
 +    បើប្រធានមានមតិពីរត្រូវចោទសួរថា "  មតិទាំងពីរនេះមួយណាត្រូវមួយណាខុស  ? ” ។

II. តួសេចក្ដី

 o    ឃ្លាភ្ជាប់សេចក្ដី ៖ ដើម្បីជាមូលដ្ឋាននៃការបកស្រាយយើងគប្បីយល់នូវពាក្យ "…...” ។
 o    ពន្យល់ពាក្យគន្លឹះ ៖ លើកយកពាក្យគន្លឹះរឺពាក្យអាថ៌កំបាំងរបស់ប្រធានមកពន្យល់ ។
 o     ពន្យល់ន័យប្រធាន ៖ ត្រូវយកសេចក្ដីពន្យល់របស់ពាក្យគន្លឹះទៅជួសបំពេញជំវិញបញ្ហារបស់
ប្រធានទាំងមូល........ ។
 o     ការបកស្រាយប្រធាន ៖
 -    មតិស្រប ៖ ត្រូវនិយាយអោយស្របទៅនឹងប្រធាន ហើយរកអំណះអំណាង ឬឧទាហរណ៍
 មកបញ្ជាក់  និងធ្វើការសរុបមតិស្របរឺមតិទី១នេះថា " ពិតជាមានន័យត្រឹមត្រូវម្យ៉ាងដែរ " ។ ( មតិស្រប  = មតិទី១) ។
 -    មតិផ្ទុយ ៖ ត្រូវនិយាយអោយផ្ទុយ ឬឱ្យល្អៀងពីមតិស្រប  ហើយ រកអំណះអំណាង ឬឧទាហរណ៍មកបញ្ជាក់ និងធ្វើការសរុបមតិផ្ទុយរឺមតិទី២នេះថា  " ពិតជាមានន័យត្រឹមត្រូវម្យ៉ាងដែរ ។ ( មតិផ្ទុយ = មតិទី២ ) ។
 -     ពិភាក្សាមតិ សំយោគមតិ ឬពិភាក្សាសំយោគមតិ ៖

III. សេចក្ដីបញ្ចប់