(ជ៥) មេរៀនទី៣៖ (សង្ខេបមេរៀន) ព័ត៌មានអំពីអាជីព

ជំពូកទី ៥              ការកំណត់គោលដៅសម្រាប់ជីវិត

មេរៀនទី ៣            ព័ត៌មានសម្រាប់អាជីព

សេចក្ដីផ្ដើម

- ការកំណត់គោលបំណងអាជីពសម្រាប់អនាគតទាមទារការរៀបចំផែនការ និងការអនុវត្តជាក់ស្តែង ។ ការធ្វើផែនការ និងការអនុវត្តគឺជាគន្លឹះសំខាន់ដើម្បីសម្រេចបានគោលបំណង ។ អាជីពមានច្រើនប្រភេទ ហើយការស្វែងយល់ព័ត៌មាន និងការយល់ដឹងអំពីប្រភេទអាជីពផ្សេងៗ គឺមានសារៈសំខាន់ មុននឹងសម្រេចចិត្តជ្រើសរើសយកអាជីពណាមួយសម្រាប់អនាគត។

ពាក្យគន្លឹះ

• • • អាណាព្យាបាល៖ ជាអ្នកមើលថែរក្សា ឬទទួលខុសត្រូវចំពោះក្មេងៗ ឬជនងាយរងគ្រោះណាមួយ។

    • បសុពេទ្យ៖ ជាពេទ្យសត្វដែលពិនិត្យ ព្យាបាល និងចាក់ថ្នាំបង្ការជំងឺសត្វគ្រប់ប្រភេទ។

    • សោភណភាព៖ ភាពស្រស់ស្អាត ភាពទាក់ទាញ គួរជាទីគយគន់។

    • ធនធាន៖ មូលនិធិ ឬមធ្យោបាយដែលអាចប្រើប្រាស់បាន ដូចជា លុយកាក់ ទ្រព្យសម្បត្តិ ឬជំនាញ។

១. ប្រភេទអាជីព

- ការកំណត់គោលបំណងអាជីពសម្រាប់អនាគតទាមទារការរៀបចំផែនការ និងការអនុវត្តជាក់ស្តែង ។ អាជីពមានច្រើនប្រភេទ ហើយការស្វែងយល់ពីព័ត៌មានផ្សេងៗទាក់ទងនឹងអាជីពគឺមានសារៈសំខាន់ មុននឹងសម្រេចចិត្តជ្រើសរើស ។ សិស្សដែលមានអាយុលើសពី 13 ឆ្នាំ គួរតែសង្កេត ពិចារណា និងពិគ្រោះយោបល់ជាមួយអ្នកអប់រំ ឪពុកម្តាយ ឬអាណាព្យាបាល ដើម្បីទទួលបានគំនិតត្រឹមត្រូវក្នុងការជ្រើសរើសអាជីពនាពេលអនាគត ។ ឧទាហរណ៍នៃអាជីពរួមមាន គ្រូបង្រៀន គ្រូពេទ្យ វិស្វករ វិចិត្រករ ស្ថាបត្យករ ចៅក្រម គណនេយ្យករ និងជាច្រើនទៀត ។

២. អត្ថប្រយោជន៍នៃអាដជីព

- មនុស្សគ្រប់រូបត្រូវមានជំនាញពិតប្រាកដដែលត្រូវកែលម្អ និងអភិវឌ្ឍគ្រប់ពេលវេលា ហើយអាជីពនីមួយៗបង្ហាញពីជំនាញរបស់បុគ្គល ។ អាជីពគឺជាស្នូលនៃជីវភាពរស់នៅ និងជាផ្លូវនាំទៅរកភាពល្អប្រសើរ ។ អាជីពទាំងអស់ផ្ដល់ផលប្រយោជន៍ដល់បុគ្គល គ្រួសារ សហគមន៍ និងសង្គមទាំងមូល ។ ជាឧទាហរណ៍៖

• • • • គ្រូបង្រៀន៖ ផ្ដល់ចំណេះដឹង និងអប់រំសិស្សឱ្យក្លាយជាពលរដ្ឋល្អ ។

      • គ្រូពេទ្យ៖ ថែទាំសុខភាព និងព្យាបាលជំងឺ ដើម្បីបំបាត់ការឈឺចាប់ ។

      • បសុពេទ្យ៖ ពិនិត្យ ព្យាបាល និងចាក់ថ្នាំបង្ការជំងឺសត្វ ។

      • ស្ថាបត្យករ៖ រចនាប្លង់អាគារដើម្បីបំពេញតម្រូវការជម្រក និងសោភ័ណភាព ។

      • ជាងឈើ៖ ផលិតសម្ភារៈប្រើប្រាស់ប្រចាំថ្ងៃធ្វើពីឈើ ។

      • កសិករ៖ ផលិតស្បៀងអាហារសម្រាប់មនុស្សគ្រប់រូប ។

៣. តម្រូវការនៃការបណ្ដុះបណ្ដាល

- ការងារភាគច្រើនតម្រូវឱ្យសិស្សរៀនចប់ និងទទួលបានសញ្ញាបត្រពីសាលាបណ្តុះបណ្តាលបច្ចេកទេសវិជ្ជាជីវៈ ឬមហាវិទ្យាល័យ ។ ជាទូទៅ សិស្សត្រូវបញ្ចប់ការសិក្សានៅសាលាមធ្យមសិក្សាចំណេះទូទៅមុននឹងបន្តការសិក្សាខ្ពស់ ។ សិស្សដែលមិនបានបញ្ចប់ការសិក្សានៅសាលាមធ្យមសិក្សាចំណេះទូទៅ ពិបាកបន្តការសិក្សានៅសាកលវិទ្យាល័យ ឬរកការងារដែលទទួលបានប្រាក់កម្រៃខ្ពស់ ។ តារាងខាងក្រោមបង្ហាញពីមុខជំនាញ និងចំនួនឆ្នាំសិក្សា។