ជំពូកទី ៥ ការកំណត់គោលដៅជីវិត
មេរៀនទី ២ សារៈសំខាន់នៃការជ្រើសរើសអាជីព
សេចក្ដីផ្ដើម
- មនុស្សគ្រប់រូបតែងមានបំណងប្រាថ្នាចង់ឱ្យជីវិតរបស់ខ្លួនប្រកបដោយសុភមង្គល។ ដើម្បីកំណត់ទិសដៅជីវិតឱ្យបានត្រចះត្រចង់ គេត្រូវចេះសង្កេត ពិចារណា អត់ធ្មត់ និងពុះពាររាល់ការលំបាក ដើម្បីសម្រេចអ្វីដែលខ្លួនប្រាថ្នា។ មនុស្សម្នាក់ៗ ត្រូវរៀនកំណត់ជ្រើសរើសអាជីពមួយសម្រាប់ជីវិតនៅពេលអនាគត ហើយមិនត្រូវធ្វើតាម ឬទទួលយកគំនិតអ្នកដទៃដោយគ្មានការពិចារណានោះឡើយ។
ពាក្យគន្លឹះ
-
-
-
អត់ធ្មត់ ៖ ទ្រាំអត់ឱ្យតែរួចក្នុងគ្រា ក្នុងស្របក់មួយៗ។
-
ប្រាថ្នា ៖ ការតាំងបំណង, ការផ្គង ឬតាំងសូមសំណូមសូមឱ្យបានសម្រេចដូចបំណង។
-
ជោគជ័យ៖ ជម្នះ, ការឈ្នះ។
-
វិជ្ជាជីវៈ៖ មុខតំណែង, មុខការរបរសម្រាប់ចិញ្ចឹមជីវិត។
v សារៈសំខាន់នៃការជ្រើសរើសអាជីពសម្រាប់អនាគត
- ការកំណត់គោលបំណង ឬគោលដៅសម្រាប់ខ្លួនទៅអនាគតមានសារៈសំខាន់ណាស់។ ការបញ្ចប់ការសិក្សាដោយជោគជ័យនៅមធ្យមសិក្សាទុតិយភូមិ គឺជាបំណងប្រាថ្នារបស់សិស្សានុសិស្សគ្រប់រូប ដែលមានបំណងបន្តការសិក្សានៅសាលាបណ្តុះបណ្តាលបច្ចេកទេសវិជ្ជាជីវៈ ឬនៅមហាវិទ្យាល័យនានា។ ដូច្នេះ ពួកគេត្រូវកំណត់ជ្រើសរើសមុខជំនាញ ឬអាជីពឱ្យបានច្បាស់លាស់ជាមុនសិន។ ក្មេងៗដែលបានកំណត់ជ្រើសរើសអាជីពដែលគេចង់ធ្វើនៅពេលធំឡើង នឹងជំរុញឱ្យពួកគេខិតខំសិក្សាតាំងពីតូច។ ពួកគេនឹងស្វែងរកព័ត៌មានដែលទាក់ទងនឹងអាជីពរបស់ខ្លួនបានច្រើន និងមានការត្រៀមលក្ខណៈកាន់តែប្រសើរ ដើម្បីសម្រេចគោលបំណងនៅពេលធំឡើង។ ឧទាហរណ៍៖ វិចិត្រករដ៏ចំណានម្នាក់ដែលខំហាត់រៀនគូរតាំងពីតូច អាចទទួលបានជោគជ័យយ៉ាងពិតប្រាកដនៅក្នុងជីវិតបច្ចុប្បន្ន។ ការកំណត់ជ្រើសរើសអាជីព ត្រូវស្របទៅនឹងចំណង់ចំណូលចិត្ត សមត្ថភាព និងធនធានដែលខ្លួនមាន។ ការសម្រេចចិត្តតាមអ្នកដទៃ នឹងធ្វើឱ្យគេគ្មានភាពប្រាកដប្រជាក្នុងចិត្ត គ្មានទិសដៅច្បាស់លាស់។ សិស្សខ្លះបានខ្ជះខ្ជាយពេលវេលា មិនខិតខំសិក្សា ឬផ្លាស់ប្តូរវគ្គសិក្សា ដែលធ្វើឱ្យខាតបង់ពេលវេលា ទ្រព្យសម្បត្តិ និងកម្លាំង។ ដូច្នេះ ក្មេងៗត្រូវកំណត់ជ្រើសរើសអាជីពជាមុនឱ្យបានច្បាស់លាស់ ដើម្បីចំណេញពេលវេលា ទ្រព្យសម្បត្តិ និងកម្លាំង។
- អាជីពក្រោយបញ្ចប់ការសិក្សា
v ក្រោយពីបញ្ចប់ការសិក្សានៅសាលាមធ្យមសិក្សាចំណេះទូទៅ អ្នកអាច៖
-
-
-
-
បន្តការសិក្សានៅសាលាបណ្តុះបណ្តាលបច្ចេកទេសវិជ្ជាជីវៈ ឬមហាវិទ្យាល័យណាមួយ។
-
មានអាជីព ឬមុខរបរ។
-
បន្តការសិក្សាវិជ្ជាជីវៈផ្សេងទៀត។
-
កសាងគ្រួសារមួយប្រកបដោយសុភមង្គល។
បានកែប្រែចុងក្រោយ: ថ្ងៃពុធ ទី27 ខែសីហា ឆ្នាំ2025, 1:03 PM
