ឯករាជ្យ
គឺជាសេចក្តីប្រាថ្នារបស់មនុស្សទូទៅ មិនថាជាតិសាសន៍ណាមួយប្រទេសណាមួយនោះទេ។
ពួកគេចង់បានឯករាជ្យចង់រស់ដោយមិនស្ថិតក្រោមការគាបសង្កត់ពីបុគ្គលណាម្នាក់
ឬជាតិសាសន៍ណាមួយឡើយ។ ដោយឡែកកម្ពុជាក៏ធ្លាប់ស្ថិតនៅក្រោមអាណានិគមន៍របស់បរទេស
ហើយទាមទារឯករាជ្យបានយ៉ាងលំបាក។
ពន្យល់ពាក្យ
-
សន្ធិសញ្ញា (ន) កិច្ចព្រមព្រៀងរវាងរដ្ឋ
និងរដ្ឋ ឬប្រទេស និងប្រទេសដើម្បីប្រយោជន៍អ្វីមួយ។
-
ស្វយ័ត (ន) តំបន់ដែលគ្រប់គ្រងដោយខ្លួនឯង។
-
កេតនភ័ណ្ឌ (ន)
របស់ដែលទុកដូចជាទង់សម្រាប់ជាតិ ឬសម្រាប់ប្រទេស វត្ថុដ៏ឧត្តុង្គឧត្តម។
-
ជីវពល (ន) ពលក្លាហាន កងកម្លាំងដ៏អង់អាចគឺ
បុរសជាពលរដ្ឋធម្មតាដែលស្លៀកពាក់ជាទាហានក្នុងពេលស្រុកទេសមានភ័យអាសន្នជាជំនួយដល់ទាហានក្នុងក្របខ័ណ្ឌ(ជាដៃគូនឹងនារីក្លាហាម)។
-
អាណានិគម (ន) តំបន់ដែលស្ថិតនៅក្នុងអំណាចគេ
ក្រោមការត្រួតត្រារបស់គេ។
មេរៀនសង្ខេប
ព្រះមហាក្សត្រនៃយើង
បានចិញ្ចឹមព្រះរាជហឫទ័យរកឯករាជ្យជូនប្រទេសជាតិ។
ព្រះអង្គបានទាមទារឯករាជ្យតាមផ្លូវទូត និងតាមផ្លូវអន្តរជាតិ។
ទ្រង់បានផ្ញើសារជូនរាស្រ្តរបស់ព្រះអង្គដោយសន្យាថានឹងដណ្តើមឯករាជ្យឱ្យបាន។
ព្រះបាទនរោត្តម សីហនុ បានយាងទៅប្រទេសបារាំង
ដើម្បីចរចារជាមួយប្រធានាធិបតីបារាំងវ៉ាំសង់ អូរីយ៉ូល រួចយាងទៅកាណាដា អាមេរិក និង
ជប៉ុន។ បន្ទាប់មកព្រះអង្គបានយាងមកគង់នៅតំបន់ស្វយ័ត បាត់ដំបង សៀមរាប កំពង់ធំ
ហើយបានបង្កើតកងជីវពល។ កត្តានេះហើយ ទើបបារាំងព្រមប្រគល់ឯករាជ្យឱ្យកម្ពុជានៅថ្ងៃទី៩
ខែវិចិ្ឆកា ឆ្នាំ១៩៥៣។
បានកែប្រែចុងក្រោយ: ថ្ងៃអង្គារ ទី11 ខែមីនា ឆ្នាំ2025, 3:52 PM
