នៅពេលឪពុកម្តាយរបស់អ្នកណែនាំទូន្មាន ឬ ឱ្យអ្នកធ្វើអ្វីមួយ បង្គាប់បញ្ជាអ្នក ឬ ឱ្យអ្នកធ្វើនេះធ្វើនោះ។ រាល់ល្បះដែលគាត់ប្រើគឺជាល្បះបញ្ជា។ បើគេចង់ឱ្យយើងធ្វើនោះ ឬ ចង់ឱ្យនរណាម្នាក់ធ្វើអ្វីនោះគេត្រូវប្រើល្បះបញ្ជា។ ល្បះបញ្ជាជាល្បះប្រើសម្រាប់បង្គាប់ ផ្តល់យោបល់ សំណូមពរ អ្វរ និង ឱ្យដំបូន្មាន។
ចូរពិនត្យឧទាហរណ៍ខាងក្រោម៖
- ទៅលាងដៃឱ្យស្អាតសិនសឹមហូបបាយ! (បង្គាប់បញ្ជា)
- កុំ! លេងគ្រាប់ប្រយ័ត្នគ្រោះថ្នាក់។ (ឱ្យដំបូន្មាន)
- សូមពុក និង ម៉ែអភ័យទោសឱ្យកូនផង! (អង្វ)
- នែក្មួយ! កុំអាលជឿ ប្រយ័ត្នចាញ់បោកគេ! (ឱ្យដំបូន្មាន)
- សូមបងប្អូន ជួយជ្រោមជ្រែងគ្នា ក្នុងកិច្ចការ និង ថែរក្សាទឹកដីយើងឱកុបានគង់វង្ស។ (សំណូមពរ)
- ទៅ! ទៅមើលឱ្យច្បាស់ កុំទាន់ជឿគេ។ (បង្គាប់បញ្ជា)
ល្បះមានច្រើនប្រភេទដូចជា ល្បះសំណួរ ល្បះឧទាន ល្បះបដិសេធ ល្បះបញ្ជាជាដើម។ ល្បះបញ្ជា ជាល្បះប្រើសម្រាប់បង្គាប់បញ្ជាផ្តល់យោបល់សំណូមពរអង្វរ និង ឱ្យដំបូន្មាន។ នៅពេលយើងចង់ឱ្យនរណាម្នាក់ធ្វើអ្វីមួយនោះ គេត្រូវប្រើប្រាស់ល្បះបញ្ជា។
