ក្នុងការបំពេញការងារជាក្រុម ដើម្បីទទួលបានជោគជ័យសមាជិកទាំងអស់ត្រូវសហការគ្នាយ៉ាងល្អដោយមិនមើលបំណាំគ្នាការមិនចេះសាមគ្គីគ្នាទោះជាក្នុងក្រុមនោះមានអ្នកខ្លាំងពូកែយ៉ាងណាក៏ដោយក៏មិនអាចយកជ័យជម្នះបានឡើយ។ យើងចេះសហការគ្នាមិនច្រណែនឈ្នានីសគ្នា និង ជួយបំពេញឱ្យគ្នាទៅវិញទៅមកគ្មានអ្នកណាសំខាន់ជាងអ្នកណាទេ។
- វៀរ (កិ) លើកលែង មិនធ្វើ។
- តេជោធាតុ (ន) ធាតុភ្លើង។
- រោគាពាធ (ន) ជំងឺចាត់ដោតុ។
- វិបត្តិ (ន) ដំណើរដុនដាប ដំណើរទទួលគ្រោះថ្នាក់។
- អន្តរធាន (ន) សេចក្តីវិនាស។
កាលថ្ងៃមួយ ដៃ ជើង មាត់ មិនបំពេញការងាររបស់ខ្លួនដោយសារតែច្រណែននឹងក្រពះ។ ពួកគេគិតថាអ្វីៗ ដែលគេធ្វើគ្រប់យ៉ាងគេមិនបានទទួលផលអ្វីទេ ផលទាំងនោះបានទៅក្រពះដែលមិនបានធ្វើអ្វីទាល់តែសោះ។ នៅពេលដែលពួកគេឈប់បំពេញកិច្ចការអវយវៈទាំងអស់ទ្រុឌទ្រោមរីងរៃ និង មានជំងឺថែមទៀតផង។ ក្នុងសភាពបែបនេះ ដៃ ជើង មាត់ ក៏បានពិភាក្សាគ្នា ហើយក៏ផ្តើមធ្វើការជាប្រក្រតីវិញ រាងកាយក៏សភាពដូចដើមវិញ។
