មេរៀនទី៧ (សង្ខេបមេរៀន) អំណានទី២៖ កំណប់ឪពុកខ្ញុំ

     ការងារបង្កបង្កើនផល គឺជាការងារដ៏ចំបងរបស់ប្រជាកសិករយើងទោះបីវាជាប្រើកម្លាំងក៏ដោយ ប៉ុន្តែវាជាការងារថ្លៃថ្នូរមួយ។ ការងារនេះបានផ្តល់នូវភាគផលជាច្រើនសម្រាប់ប្រជាកសិករសម្រាប់ផ្គត់ផ្គង់ជីវភាពគ្រួសារប្រជាកសិករដែលជាមនុស្សឧស្សាហ៍ព្យាយាមអំណត់ធ្វើការងារមិនខ្លាចនឿយហត់។ តើកំពប់ទ្រព្យនោះសំដៅលើអ្វី?
ពន្យល់ពាក្យ
- កសិផល        (ន) ផលទាំងឡាយដែលបានមកពីរបរកសិកម្ម។
- អនិច្ចកម្ម        (គុ) ស្លាប់។
- ពោះម៉ាយ       (ន) បុរសដែលប្រពន្ធស្លាប់ចោល។
- អត់ធ្មត់          (កិ) ខិតខំ តស៊ូ ប្រឹងប្រែង។
មេរៀនសង្ខេប
     កាលពីព្រេងនាយ មានកសិករពោះម៉ាយម្នាក់មានកូនម្លោះបីនាក់។ កូនទាំងបីមិនទម្លាប់ធ្វើការងារសោះ ពួកគេអង្គុយជជែកគ្នាលេងឥតប្រយោជន៍ក្រោមម្លប់ឈើ ឬ ការស្ទួចត្រីលេងនៅតាមមាត់បឹង។ ពេលវេលាកន្លងផុតទៅឪពុកក៏ធ្លាក់ខ្លួនឈឺ ហើយក៏បានហៅកូនទាំងបីមកប្រាប់បើអត់ពីឪពុកទៅ តើកូនទាំងបីរស់នៅយ៉ាងដូចម្តេច?
     ឪពុកបានប្រាប់ថាគាត់មានកំណប់ ប៉ុន្តែគាត់មិនដឹងកប់ទុកកន្លែងណាក្នុងចម្ការឱ្យកូនទាំងបីគាស់កកាយរកកំណប់នោះ។ កូនទាំងបីខំគាស់កកាយ ប៉ុន្តែមិនឃើញកំណប់នោះសោះ ពួកគេក៏យកស្រូវមក ព្រោះហើយខិតខំថែស្រូវនោះរហូតទទួលបានផលហើយយកផលទាំងនោះ ទៅលក់បានប្រាក់យ៉ាងច្រើនទើបគេដឹងថានោះជាកំណប់ដែលឪពុកបានប្រាប់ ហើយជាកំណប់ដែលចាយមិនអស់ទៀតផង។