មេរៀនទី៧ (សង្ខេបមេរៀន) អំណានទី៣៖ រឿង ភ្នំបុរី

      មនុស្សទាំងអស់សុទ្ធតែអាចស្វែងរកឧត្តមភាពដោយខ្លួនឯងតាមរយៈការខិតខំបំពេញការងារ និង ការប្រព្រឹត្តិរបស់ខ្លួន។ ឧត្តមភាព គឺជាតម្លៃមួយដែលបញ្ជាក់ពីសេចក្តីថ្លៃថ្នូររបស់មនុស្ស។
ពន្យល់ពាក្យ
- ពោងពាយ      (ន) ក្បួនសម្រាប់និរទេសមនុស្សមានទោស បណ្តែតចោលតាមទឹក។
- ទុរគត            (ន) សេចក្តីលមបាក ភាពក្រីក្រ។
- ប្រតិព័ទ្ធ         (កិ) ជាប់ចិត្ត ជំពាក់ចិត្ត ស្រឡាញ់ជាប់ចិត្ត។
- វាយោ            (ន) ខ្យល់ ខ្យល់បក់។
មេរៀនសង្ខេប
     កាលពីព្រេងនាយ មានព្រះរាជាមួយអង្គគង់នៅព្រះរាជវាំងបាសាក់។ ព្រះអង្គបានបំបរបង់បុត្រីមួយអង្គ ដោយសារតែព្រះនាងបានស្រឡាញ់បុរសទុតគតម្នាក់ដោយបណ្តែតពោងពាយ។ ពោងពាយក៏បានរសាត់ដល់ភ្នំមួយឈ្មោះ ភ្នំបុរី ព្រះនាង និង ស្វាមីក៏បានសង់ខ្ទមរស់នៅលើភ្នំនោះ។ បុរសជាប្តីបានកាប់ឈើចន្ទន៍ក្រស្នា និង ប្រមូលបានមាសជាច្រើន ព្រះនាងអាក់អរបានឱ្យស្វាមីលើកទង់សជាសញ្ញា ក្រែងមានសំពៅធ្វើដំណើរមកនឹងទាក់ទងជួញដូរ។ ព្រះយល់ព្រមដូរតែឈើចន្តន៍ក្រស្នា ប៉ុន្តែមាស ព្រះនាងបានស្នើនាយសំពៅទៅរកជាងមាសប្រុស១០០នាក់ ស្រី១០០នាក់ មកពីស្រុកក្រៅមកច្នៃទៅជាគ្រឿងអលង្កាសិនសឹមជួញដូរ។
     យូរៗទៅក៏មានមនុស្សជាច្រើនមករស់នៅទីនេះ ហើយព្រះនាងអាក់អរ និង ស្វាមីបានបង្កើនជានគរមួយ។ អ្នកស្រុកហៅភ្នំនេះជា «ភ្នំបុរី» រហូតដល់សព្វថ្ងៃ។