រឿងទាំងអស់សុទ្ធតែបង្ហាញ កាលអាកាសនៃដំណើររឿងដែលបានកើតឡើង ដើម្បីដឹងដំណើររឿងកាន់តែច្បាស់ យើងត្រូវដឹងអំពីកាល និងអាកាស។
កាល សំដៅលើពេលវេលានៃរឿងដែលបានប្រព្រឹត្ត អាកាសសំដៅទៅលើទីកន្លែងរបស់រឿងដែលបានកើតឡើង។ កាល អាចបង្ហាញពេលវេលាក្នុងអតីតកាល បច្ចុប្បន្នកាល អនាគតកាល ពេលថ្ងៃ ពេលយប់ ឬរដូវណាមួយ។ល។
អាកាស ជាទីកន្លែងនៃរឿងកើតឡើង។ អាកាស អាចជាកន្លែងដែលអ្នកនិពន្ធប្រឌិតឡើង ដូចជា ឋានសួគ៌ ឋាននរក ឋានត្រៃត្រឹង្ស ឬពិភពណាមួយ។ ជួនកាល កន្លែងនោះមានពិតប្រាកដផងដែរ។
