ល្បះឧទានជាប្រភេទល្បះដែលតែងតែប្រើប្រាស់ញឹកញាប់ទាំងក្នុងការនិយាយ និងសរសេរ។ ល្បះនេះបញ្ចប់ដោយសញ្ញាឧទាន(!) តើអ្នកពោលដូចម្តេចនៅពេលស្ងើចសរសើរនរណាម្នាក់? តើអ្នកធ្លាប់ស្រែកនៅពេលភ័យខ្លាចដែរ ឬ ទេ? ការពោលស្ងើចសរសើរ ការស្រែកនៅពេលភ័យខ្លាច...គឺបង្កើតជាល្បះឧទាន។
ចូរពិនិត្យឧទាហរណ៍ខាងក្រោម៖
- យី! និយាយបែបនេះគឺ បោកប្រាស់គេទាំងស្រុងហើយ!
- យើ! នៅហ៊ានកុហសគេទៀត!
- ពុទ្ធោ! ជួយខ្ញុំផង!
- ពុទ្ធោអើយ! មិនគួរឱ្យជឿសោះ!
ដូចនេះ ល្បះឧទាន ជាល្បះសម្រាប់សម្តែងការចាប់អារម្មណ៍ភ្លាមៗ នៅពេល រំភើប ស្ងើចសរសើរ ភ័យខ្លាច ព្រួយ ខឹង សប្បាយរីករាយ ឆ្ងល់...។ ល្បះនេះបញ្ចប់ដោយសញ្ញាឧទាន(!)
